Biełaruskaje školnaje adzieńnie achoŭvaje ad vypramianieńnia mabilnych telefonaŭ
Ab hetym paviedamiła siońnia žurnalistam načalnik upraŭleńnia arhanizacyi spažyvieckaha rynku niecharčovych tavaraŭ Ministerstva handlu Nina Paško, pieradaje karespandent BIEŁTA.
Takoje adzieńnie — kaściumy biźnies‑kłasa dla chłopčykaŭ i sarafany dla dziaŭčynak — vypuskaje, u pryvatnaści, babrujskaje AAT «Słavianka». Pry jaho vyrabie vykarystoŭvajecca śpiecyjalnaja impartnaja tkanina, što abaraniaje ad vypramianieńnia mabilnaha telefona, dla jakoha zroblena asobnaja kišenia.
Pavodle słoŭ Niny Paško, u hetym hodzie asartymient školnaha adzieńnia dla dziaŭčynak pavialičany — u kožnaj raźmiernaj hrupie naličvajecca bolš jak dva dziesiatki madelej. Usiaho ž mahaziny prapanujuć bolš jak 260 madelej adzieńnia dziełavoha stylu dla dziaŭčynak i kala 300 — dla chłopčykaŭ. Va univiermahach i śpiecyjalizavanych mahazinach pradstaŭlena kala 200 madelej abutku dla dziaciej školnaha ŭzrostu. Bolšaja častka adzieńnia i abutku dla školnikaŭ — ajčynnaj vytvorčaści.
Školnaje adzieńnie vyrablajecca pieravažna z šarścianych i paŭšarścianych tkanin, vielvietu i viskozy. Najbolšym popytam karystajucca vyraby z poliviskoznych tkanin, u chłopčykaŭ papularnyja kaściumy sa štroksavaj tkaniny Navahrudskaj šviejnaj fabryki. Usia pradukcyja vyrablena z ulikam patrabavańniaŭ sanitarnych pravił, jakija pradjaŭlajucca da tavaraŭ školnaha asartymientu.
Kamientary