U Karelickim rajonie sabak hadavali na prodaž u kancłahiernych umovach
U Karelickim rajonie ŭźnik skandał z hadavalnikam u vioscy Baracin, u jakim u žudasnych umovach žyli sabaki. Tut razvodzili elitnyja sabačyja parody — bałonki, špicy, maltyjskija bałonki, kitajskija čubatyja, bulterjery, łabradory i inšyja. Ale žyćcio ŭ ich było jak u kancłahiery.
Hadavalnik pracavaŭ šmat hadoŭ, a pra ŭmovy, u jakich znachodzilisia žyvioły, doŭha ničoha nie było viadoma. Ale ŭ pačatku lutaha vałanciory vyśvietlili, što žyvioły ŭtrymlivajucca ŭ zusim nieprydatnych umovach i zabili tryvohu.
Padstavaj dla taho, kab zaniepakoicca, stała pakupka adnoj dziaŭčynaj z hetaha hadavalnika sabaki, jaki znachodziŭsia ŭ žachlivym stanie. Jana apublikavała pra heta infarmacyju ŭ sacsietkach, i paśla taho chvala stała nakatvać, śviedčańniaŭ rabiłasia ŭsio bolš.
Na videa, jakija publikavalisia ŭ sacsietkach, było bačna, što sabaki žyli ŭ chlavach i viaskovych chatach, kletki stajali adna na druhoj, a łabradoraŭ trymali prosta na vulicy na karotkim łancuhu.
Miascovyja žychary raskazali, što znachodzicca pobač z hetym miescam było i strašna, i baluča. Sabaki pastajanna brachali, mnohija byli ahresiŭnyja, viečna hałodnyja, bo ŭładalnica hadavalnika časta źjazdžała.
Paśla taho, jak infarmacyja pra hadavalnik stała zdabytkam publičnaści, pytańniem zanialisia supracoŭniki milicyi i prakuratury.
Z hadavalnika vyvieźli 114 žyvioł, ciapier jany na pieratrymkach u vałancioraŭ. Astatnich uładalniki paśpieli vyvieźci ŭ nieviadomym kirunku.
Tyja, jakija patrapili da vałancioraŭ, jak havorycca ŭ siužecie ANT, «prosiacca na ruki i litaralna mlejuć ad čałaviečaj piaščoty, jakoj nikoli nie bačyli». Ich ahledzieli vieterynary, zrabili analizy i UHD. Pałova sabak — z paškodžańniami zroku, niekatoryja praktyčna ślapyja. Jość i fizičnyja traŭmy, šmat skurnych chvarob, proćma parazitaŭ. Mnohija vałanciory, kali raskazvajuć pra toje, što jany bačyli ŭ hadavalniku i ŭ jakim stanie ciapier užo ich hadavancy, nie strymlivajuć śloz.
Na žal, pakul pa hetaj spravie nie adbudziecca sud, novych haspadaroŭ sabaki znajści nie mohuć. Ale prynamsi ciapier jany ŭ dobrych umovach i ź ludskim staŭleńniem.
Hladzicie taksama:
«Padjechaŭ śmiećciavoz, i prosta jak śmiećcie zakinuli». U Žytkavičach źniali biaźlitasnuju raspravu z badziažnymi sabakami
U Pružanskim rajonie viaskovaha žychara pakarali za žorstkaje abychodžańnie z žyviołami
Ciapier čytajuć
«Ja jedu natchnicca ŭkraincami». Śviatłana Cichanoŭskaja pačała aficyjny vizit va Ukrainu11
Kamientary