Łukašenka skazaŭ Sałaŭjovu, što Pucin abiacaŭ jamu zvańnie pałkoŭnika, ale nie prysvoiŭ
Alaksandr Łukašenka ŭ intervju rasijskamu televiadučamu Uładzimiru Sałaŭjovu zhadaŭ pra niavykananaje abiacańnie Uładzimira Pucina prysvoić jamu zvańnie pałkoŭnika.
Žurnalist pacikaviŭsia, jakija pahony našytyja na vajennuju formu Łukašenki, piša BiełTA.
«Hierb. Ja padpałkoŭnik pa zvańni, — adkazaŭ toj. — Ja ž nie mahu sabie hienieralisimusa zorku paviesić abo hienieralskuju. Pucin — pałkoŭnik, abiacaŭ mnie pałkoŭnika prysvoić — dahetul nie prysvoiŭ».
«Jak vy sabie ŭjaŭlajecie, što prezident niezaležnaj Biełarusi źjaŭlajecca pałkoŭnikam rasijskaha vojska?» — spytaŭ Sałaŭjoŭ.
«Nu i što? Heta ž maja prablema, a nie vaša! Paabiacaŭ — rabi!»- adreahavaŭ Łukašenka.
Na zaŭvahu žurnalista, što Alaksandr Łukašenka nie słužyŭ u rasijskaj armii, a ŭ savieckaj, toj skazaŭ: «Jana była i rasijskaja, i biełaruskaja. Prysvoj mnie zvańnie pałkoŭnika Savieckaj Armii».
«Savieckaj taksama nie moža, bo tady buduć kazać: «Voś, my kazali, što Pucin choča adnavić Saviecki Sajuz!»- vykazaŭ svoj punkt hledžańnia Uładzimir Sałaŭjoŭ, pryznaŭšy pry hetym, što ideja z prysvajeńniem zvańnia — pryhožaja. «Vy chočacie, kab pałkoŭnik Pucin vam prysvoiŭ zvańnie pałkoŭnika i było dva pałkoŭniki? - dadaŭ Sałaŭjoŭ. — Budzie dva pałkoŭniki na čale Rasiei i Biełarusi?»
«My jamu potym prysvoim zvańnie hienierała», — adkazaŭ Alaksandr Łukašenka.
Ciapier čytajuć
Chto toj nieadekvatny biełarus, jaki lasnuŭ dziciatka hałavoj ab padłohu ŭ maskoŭskim Šaramiećcievie8
Kamientary