Hienprakuratura Biełarusi zaviała kryminalnuju spravu na polskaha sudździu, jaki nie vydaŭ Ściapana Puciłu. Ale pryčyna nie tolki ŭ hetym
Hienieralnaja prakuratura Biełarusi raspačała kryminalnuju spravu ŭ dačynieńni da sudździ akruhovaha suda horada Varšavy Daryjuša Luboŭskaha «za raspalvańnie nacyjanalnaj varažniečy i sacyjalnaj varožaści». Jon admoviŭ u vydačy viadomaha błohiera Puciły na zapyt Biełarusi. Ale sprava nie tolki ŭ hetym.
Pry farmulavańni abvinavačańnia napoŭnicu vykarystanyja tyja zahatoŭki, jakija prymianiajucca dla palityčnych spraŭ unutry krainy, navat stylistyčna ničoha mianiać prakurory nie paličyli patrebnym:
«Ustanoŭlena, što padazravany źjaŭlaŭsia sudździoj pa spravie ab vydačy dla pryciahnieńnia da kryminalnaj adkaznaści na terytoryi Respubliki Biełaruś datyčnaha da terarystyčnaj dziejnaści Ściapana Puciły, jaki abvinavačvajecca ŭ ździajśnieńni šerahu złačynstvaŭ, u tym liku ciažkich i asabliva ciažkich, suprać hramadskaj biaśpieki i pravaparadku.
U chodzie pasiadžeńnia Daryjuš Luboŭski publična raspaŭsiudziŭ zaviedama niedakładnuju infarmacyju, nakiravanuju na raspalvańnie nacyjanalnaj varožaści i sacyjalnaj varožaści, abraziŭ i abyłhaŭ najvyšejšych słužbovych asob Respubliki Biełaruś. ️ ️
Padobnyja dziejańni aficyjnaj słužbovaj asoby, jakaja vystupaje ad imia polskaj dziaržavy, śviedčać ab vidavočnym nieprafiesijanaliźmie, ihnaravańni asnoŭnych pryncypaŭ ažyćciaŭleńnia pravasudździa i mižnarodnych abaviazalnictvaŭ.
Paćviardžajuć śviadomuju tendencyjnaść i sfabrykavanaść sudovaha pracesu pa kankretnaj kryminalnaj spravie, jaho palityzavanaść i zakazny charaktar. Pry hetym sama pracedura abviaščeńnia rašeńnia była vidavočna teatralizavanaja».
Nahadajem, što 26 studzienia polski sud zabaraniŭ vydavać Biełarusi błohiera.
Sudździa svajo rašeńnie patłumačyŭ tym, što «nielha vydać čałavieka tolki za toje, što hetaha choča psichapatyčny dyktatar».
U vice-śpikierki Kaardynacyjnaj rady Lizaviety Prakopčyk sabrałasia $12 tysiač daŭhoŭ106
Kamientary