Siońnia - losavańnie plej-of. Chto trapicca biełarusam? Vybar ź piaci kamand: «Vierder», «Eviertan», «Chierenvien», «Dynama» Zahrab abo baŭharski «Liteks».
Siońnia ŭ šviejcarskim Ńjonie projdzie losavańnie plej‑of kvalifikacyi Lihi Jeŭropy, kudy paśla vyletu ź Lihi čempijonaŭ trapiŭ barysaŭski BATE.
Pačatak u 14:30 pavodle minskaha času.
Siońnia paśla matčaŭ u adkaz 3‑ha kvalifikacyjnaha raŭndu Lihi Jeŭropy kančatkova vyznačylisia skład h.zv. «siejanych» i «niasiejanych» kamandaŭ, a taksama skład h.zv. košykaŭ.
BATE trapiŭ u lik «niasiejanych» i ŭ pieršy košyk.
Tamu našymi supiernikami mohuć być:
niamiecki «Vierder» (Bremien), anhlijski «Eviertan» (Livierpul), hałandski «Chierenvien», «Dynama» Zahrab (Charvatyja) i baŭharski «Liteks» (Łovieč).
Z «Vierderam» u pieršaj pałovie 1990-ch dvojčy hulała minskaje «Dynama», u 1993 h. u 1/16 finału Lihi čempijonaŭ (1:1, 2:5), U 1995 h. u 1995 h. u 1/16 Kubk UEFA (2:1, 0:5).
U minułym siezonie «Vierder» startavaŭ u Lizie čempijonaŭ, hulaŭ u hrupavym turniry ź miłanskim «Interam», hreckim «Panacinaikasam» i kiprskim «Anortasisam», zaniaŭ treciaje miesca, trapiŭ u plej-of Kubku UEFA, dajšoŭ da finału, dzie prajhraŭ u dadatkovy čas danieckamu «Šachcioru» (1:2).
U minułym siezonie čempijanatu bundeślihi bremiency zaniali 10-je miesca.
Z «Chierenvienam» u 1997 h. u Kubku Intertota ŭ hrupavym turniry hulała «Dynama-93» (pamiatajecie taki (simpatyčny kłub?). Minčuki vyjhrali tady 1:0.
U minułym siezonie čempijanatu Hałandyi Chierenvien zaniaŭ 5-je miesca, a ŭ hrupavym turniry Lihi Jeŭropy zaniaŭ apošniaje miesca.
Z anhlijskimi kłubami biełarusy naahuł nie sustrakalisia. «Eviertan» dva hady zapar zajmaŭ 5-je miesca ŭ premjer-lizie, adrazu śledam za kłubami «vialikaj čaćviorki».
***
Matčy plej‑of projduć 20 i 27 žniŭnia. Pieramožca traplaje ŭ hrupavy turnir Lihi Jeŭropy, što pryjšła na źmienu Kubku UEFA.
***
Usie kryŭdzicieli biełaruskich kłubaŭ vyjšli ŭ nastupny etap Lihi Jeŭropy. Pra «Romu» my ŭžo zhadvali. Narviežski «Tromsio», jaki vybiŭ ź jeŭrakubkaŭ minskaje «Dynama», abyhraŭ charvacki «Słavien» (2:1, 2:0), a daniecki «Mietałurh», jaki vybiŭ MTZ-RIPA, pierajhraŭ słavienski «Interbłok» (2:0, 3:0).
***
Siońnia taksama projdzie losavańnie plej-of kvalifikacyi Lihi čempijonaŭ, dzie svaich supiernikaŭ daznajucca «Vientśpiłs» dy «Štuthart», za jaki vystupaje Alaksandr Hleb.
Dźvie tranślacyi budzie pakazanyja ŭ žyvym efiry na kanale «Jeŭrasport» (13:00, 14:30).
Ciapier čytajuć
«Ja bolš nie anarchist». Mikoła Dziadok — pra turmu, Boha i rasčaravańnie ŭ ideałohijach32
Kamientary