Minčuku za sčepku na praśpiekcie Pieramožcaŭ dali dva hady kałonii strohaha režymu
U sudzie Savieckaha rajona Minska na minułym tydni vyniesieny prysud pa kryminalnaj spravie Siarhieja Łahutkina, abvinavačanaha ŭ arhanizacyi i padrychtoŭcy dziejańniaŭ, jakija hruba parušajuć hramadski paradak, albo aktyŭnym ŭdziele ŭ ich (č. 1 art. 342 KK RB), paviedamlajuć pravaabaroncy.
Spravu razhladaŭ sudździa Siarhiej Šaciła.
Da suda Siarhiej Łahutkin utrymlivaŭsia ŭ SIZA na Vaładarskaha.
Jak ustanoŭlena śledstvam, Siarhiej Łahutkin, viečaram 9 žniŭnia 2020 hoda ruchaŭsia ŭ kałonie pratestoŭcaŭ razam ź inšymi asobami pa praśpiektach Pieramožcaŭ i Mašerava ŭ Minsku, stanaviŭsia «ŭ sčepku łokciami».
«Taksama jon razam ź inšymi, vykrykvajučy łozunhi, błakavaŭ i pieraharodžvaŭ šlach aŭtamabilam, što pryviało da parušeńnia pracy hramadskaha transpartu. Na zakonnyja patrabavańni supracoŭnikaŭ orhanaŭ unutranych spraŭ spynić supraćpraŭnyja dziejańni nie reahavaŭ».
Padčas sudovaha śledstva Łahutkin svaju vinu pryznaŭ całkam.
Taksama «Minsktrans» zajaviŭ pra škodu ŭ try tysiačy rubloŭ.
U vyniku sud pryhavaryŭ Łahutkina da dvuch hadoŭ kałonii va ŭmovach strohaha režymu.
Na surovaść pakarańnia paŭpłyvała najaŭnaść raniejšaj sudzimaści.
Ciapier čytajuć
Biełaruskaja i rasijskaja armii na biełaruskaj terytoryi trenirujucca nanosić jadzierny ŭdar18
Biełaruskaja i rasijskaja armii na biełaruskaj terytoryi trenirujucca nanosić jadzierny ŭdar
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku33
Kamientary