U Biełarusi ŭvodziacca maksimalnyja adpusknyja i roźničnyja ceny na harodninu i jabłyki. Pra heta paviedamiła na svajoj staroncy ŭ Fejsbuku pres-sakratarka premjer-ministra Biełarusi Alaksandra Isajeva.
Urad abmiežavaŭ maksimalnyja ŭzroŭni adpusknych i roźničnych cenaŭ sa studzienia pa maj biahučaha hoda na asobnyja vidy ajčynnaj pradukcyi (na śviežyja bulbu, kapustu biełakačannuju, morkvu stałovuju, stałovuju buraki, cybula, jabłyki). Novy paradak rehulavańnia cen ustanoŭleny Pastanovaj Savieta Ministraŭ Respubliki Biełaruś ad 24 studzienia 2022 h. № 36 «Ab rehulavańni cenaŭ na płodaaharodninnuju pradukcyju».
Pry ustalavańni maksimalnych cenaŭ, jak śćviardžajecca, uličvalisia vydatki na zachoŭvańnie i realizacyju pradukcyi, normy naturalnaha źmianšeńnia pry zachoŭvańni, uzrovień handlovaj (z ulikam aptovaj) nadbaŭki ŭ pamierach, ustanoŭlenych dziejnym zakanadaŭstvam, abmiežavany pamier prybytku subjektaŭ haspadarańnia.
Jak śćviardžaje pres-sakratarka premjera:
«Hetyja padychody abumoŭlenyja abaronaj unutranaha rynku, nieabchodnaściu pryjarytetnaj pastaŭki ajčynnaj płodaaharodninnaj pradukcyi ŭ handlovuju sietku za košt uradžaju 2021 hoda, a taksama z ulikam apieradžalnych tempaŭ rostu cenaŭ na hetuju pradukcyju ŭ sumiežnych krainach».
Kamientary