Adzin z samych viadomych startapaŭ vyjšaŭ z PVT i faktyčna spyniŭ pracu ŭ Biełarusi
Adzin z samych viadomych biełaruskich startapaŭ OneSoil vyjšaŭ z PVT i faktyčna spyniŭ pracu ŭ Biełarusi. Ciapier ahratech-startap budzie pracavać u Šviejcaryi i Polščy. Na dniach OneSoil źnik sa śpisu rezidentaŭ na sajcie PVT.
— Tak, vyjšli z PVT. OneSoil raście jak mižnarodnaja kampanija, asnoŭnaja dziejnaść ciapier viadziecca sa Šviejcaryi i Polščy. I pakolki mnohija našy supracoŭniki pierajechali ŭ ofis u Varšavie, a ich kolkaść u Biełarusi značna skaraciłasia — była pryniataja pastanova vyjści z PVT, — raspaviali dev.by u kampanii.
Častka supracoŭnikaŭ OneSoil praciahvaje pracavać dystancyjna ź Biełarusi, ale ciapier u kampanii dva ofisy — u Šviejcaryi i Polščy.
OneSoil — startap ź Biełarusi, jaki ŭ 2017 hodzie stvaryli prahramist Viačasłaŭ Mazaj i hieohraf Usievaład Hienin. Jaho asnoŭny pradukt — razumnaja sistema dla manitorynhu stanu pasiaŭnych płoščaŭ, pavieličeńnia ŭradžajnaści i ekanomii resursaŭ. Dla zboru «ŭradžaju» źviestak z paloŭ vykarystoŭvajucca spadarožnikavyja zdymki.
Padčas naviedvańnia PVT u 2019 hodzie ahratech-raspracoŭki OneSoil pakazvali Alaksandru Łukašenku. Jon adznačyŭ, što takija raspracoŭki «vielmi karysnyja i patrebnyja».
U OneSoil inviestavali Juryj Hurski, Juryj Mielničak, Leanid Łoźnier. Apošnija viadomyja inviestycyi — $5 młn ad dvuch jeŭrapiejskich vienčurnych fondaŭ.
U kastryčniku 2021 hoda novym CEO startapa staŭ šviejcarac Morten Šmit. Viačasłaŭ Mazaj, jaki zajmaŭ pasadu SIEO z momantu zasnavańnia OneSoil, pierajšoŭ na pazicyju dyrektara pa inavacyjach. U listapadzie stała viadoma, što OneSoil adkryŭ ofis u Varšavie.
Biełaruski ahrastartap stvaryŭ pieršuju ŭ śviecie interaktyŭnuju kartu ŭsich sielskahaspadarčych paloŭ ZŠA i Jeŭropy
OneSoil navučyŭsia bačyć pasievy skroź abłoki
Biełaruski startap OneSoil atrymaŭ $500 tysiač na revalucyju ŭ sielskaj haspadarcy
Ahrarny startap OneSoil pryciahnuŭ 5 miljonaŭ dalaraŭ ad dvuch zachodnich fondaŭ
Ciapier čytajuć
Bieśpiłotnik, jaki ŭpaŭ u Minsku, prylacieŭ z boku Barysava — šmatlikija śviedčańni5
Kamientary