Juryst Hary Pahaniajła paskardziŭsia ŭ Viarchoŭny sud na Łukašenku
Juryst Hary Pahaniajła źviarnuŭsia ŭ Viarchoŭny sud sa skarhaj na vydańnie Alaksandram Łukašenkam ukaza № 14 ab pryznačeńni referendumu ab źmienie Kanstytucyi. Jon ličyć, što ŭkaz vydadzieny asobaj, jakaja nie maje na heta nieabchodnych paŭnamoctvaŭ.
Pahaniajła śćviardžaje, što pracedura vybaraŭ kiraŭnika dziaržavy ŭ 2020 hodzie «nie była zavieršanaja ŭ suviazi z admovaj Viarchoŭnaha suda ŭ razhladzie skarhaŭ kandydataŭ u prezidenty na rašeńni Centrvybarkama».
Juryst nahadaŭ, što paśla vybaraŭ kandydaty Andrej Dźmitryjeŭ, Hanna Kanapackaja i Śviatłana Cichanoŭskaja źviarnulisia ŭ CVK sa skarhami na jaho rašeńnie pryznać Łukašenku abranym prezidentam Biełarusi. Kali CVK adchiliła skarhi, jany pasprabavali asprečyć rašeńnie ŭ Viarchoŭnym sudzie, ale sud admoviŭsia pačynać spravu.
Pakolki abaviazkovyja pracedury pa asprečvańni vynikaŭ vybaraŭ nie byli vykananyja, «pryniaćcie A.R.Łukašenkam prysiahi, ustupleńnie jaho na pasadu prezidenta Respubliki Biełaruś nielha pryznać adpaviednymi Kanstytucyi i pryniatymi ŭ adpaviednaści ź joj aktami zakanadaŭstva», —- havorycca ŭ skarzie.
Ciapier čytajuć
Čamu YouTube vydaliŭ kanały BiełTA, STB i ANT? Voś što viadoma14
Kamientary