Paśla taho, jak urad Litvy na minułym tydni zahadaŭ Litoŭskaj čyhuncy skasavać ź lutaha kantrakt z «Biełaruśkalijem», łatvijskija dziaržaŭnyja orhany i pryvatnyja pieravozčyki zajavili, što tranzit hetych uhnajeńniaŭ praz terytoryju ich krainy nie budzie mahčymy.
Pryvatnyja łatvijskija hruzapieravozčyki zajavili BNS, što ŭ ciapierašni čas «Biełaruśkalij» nie ažyćciaŭlaje tranzit uhnajeńniaŭ praz krainu, i što niama nijakich pieradumoŭ dla jaho ažyćciaŭleńnia ŭ budučyni. Ź ich słoŭ, Łatvija, jak i Litva, prytrymlivajecca mižnarodnych sankcyj i nie choča ich parušać, piša Delfi.lv.
Staršynia praŭleńnia Baltijas Tranzitas Serviss i čalec naziralnaj rady Litoŭskaha pieravozčyka LGC Cargo Ivaras Sormulis kaža, što nie čuŭ pra sprobu pravieźci kalijny hruz «Biełaruśkalija» praz Łatviju.
Sa słoŭ Sormulisa, u kampaniju pad jaho kiraŭnictvam pastaŭščyki biełaruskich uhnajeńniaŭ nie źviartalisia. Na pytańnie, ci moža «Biełaruśkalij» ciapier pieravozić uhnajeńni praz party na poŭnačy Rasii, jon skazaŭ, što takaja mahčymaść jość, ale bolš vierahodnym varyjantam źjaŭlajecca Kitaj. «Tak, moža (pieravozić uhnajeńni praz Rasiju), ale im heta nie treba, jany mohuć prosta nakiravać hetyja patoki uhnajeńniaŭ u Kitaj. Tak, heta daloka, ale ciapier košt kalijnych uhnajeńniaŭ na rynku nastolki vysoki, što taki maršrut całkam vierahodny», — skazaŭ staršynia praŭleńnia łatvijskaj čyhunačnaj kampanii.
Marys Bremze, staršynia praŭleńnia druhoj pa vieličyni łatvijskaj čyhunačnaj kampanii Baltijas Expresis, jakaja ažyćciaŭlaje pieravozki hruzaŭ u port Vientśpiłs, admoviŭsia kamientavać, ci pastupali ŭ ciapierašni čas kampanii kankretnyja prapanovy pa pieravozcy uhnajeńniaŭ «Biełaruśkalija».
-
Amierykanski mirny płan praduhledžvaje demilitaryzavanuju zonu na Danbasie i admovu Ukrainy ad ustupleńnia ŭ NATA
-
«Skarby, znojdzienyja na haryščy». Kalekcyju kartak Pokemon malara-piensijaniera pradali za dva miljony dalaraŭ
-
U Ńju-Jorku vyrašyli zabaranić adnu ź vizitnych kartak horada — konnyja ekipažy Centralnaha parku
Ciapier čytajuć
«Z rasijan-naviednikaŭ pracentaŭ 70 akazvalisia vatnikami». Eks-hid z muzieja VAV, jakoha zatrymlivali jaho ž ekskursanty, ciapier papularny ŭ Varšavie — pahutaryli ź im5
«Z rasijan-naviednikaŭ pracentaŭ 70 akazvalisia vatnikami». Eks-hid z muzieja VAV, jakoha zatrymlivali jaho ž ekskursanty, ciapier papularny ŭ Varšavie — pahutaryli ź im
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski1010
Kamientary