Amierykanski prytułak dla žyvioł byŭ šakavany niečakanym padarunkam. Tudy adnačasova pieradali bolš za 800 chvalistych papuhajčykaŭ.
«Kaladny padarunak, jakoha my nie čakali», — napisaŭ u Fejsbuku prytułak, raźmieščany ŭ Detrojcie.
Papuhajaŭ dvuma partyjami dastaviŭ syn ŭładalnika, jaki utrymlivaŭ ptušak u adnym pakoi. Hetyja ŭmovy prytułak apisaŭ jak «vielmi niezdarovuju situacyju».
«Takaja biezadkaznaść ŭładalnika aburaje», — adznačajuć abaroncy žyvioł.
Pieršaja partyja z 497 papuhajaŭ, źmieščanych u siem kletak, pastupiła 23 śniežnia. Syn uładalnika viarnuŭsia z novaj partyjaj praz try dni, kali ŭ krainie byŭ dzień padarunkaŭ, i pryvioz jašče 339 ptušak.
«My byli ŭ šoku, — kažuć u prytułku. — Ale nie mahli viarnuć ich nazad».
Keli Lebonci, dyrektar hetaha prytułku, skazała miascovaj presie, što, pa słovach syna, jaho baćka spačatku płanavaŭ vyhadavać tolki niekalki ptušak. Ale ŭsio skončyłasia tym, što vydatki na papuhajaŭ vyraśli da 1200 dalaraŭ na miesiac.
«Jany amal nie ruchalisia. My pavinny byli raździalić ich pa roznych kletkach», — skazała dyrektar.
Kamientary