Novy ŭrad Hiermanii akreśliŭ svaju pazicyju nakont Biełarusi: «My padtrymlivajem imknieńnie biełarusaŭ da novych vybaraŭ»
Kandydat u kanclery Niamieččyny Ołaf Šolc abviaściŭ, što try partyi — sacyjał-demakraty, jakich jon pradstaŭlaje, «zialonyja» i libierały — uzhadnili kaalicyjnaje pahadnieńnie, jakoje budzie vyznačać palityku ŭrada ŭ najbližejšaj pierśpiektyvie.
Na praciahu nastupnych dziesiaci dzion u kožnaj z partyj pavinny prahałasavać za dakumient. Raniej jaho poŭny tekst na 177 staronkach apublikavaŭ partał Spiegel online. Zhadvajecca ŭ tekście Biełaruś:
«My padtrymlivajem ludziej Biełarusi i padtrymlivajem ich imknieńnie da novych vybaraŭ.
Demakratyja, svaboda i viaršenstva zakona patrabujuć biezumoŭnaha vyzvaleńnia ŭsich palityčnych źniavolenych. Rasijskaje ŭmiašańnie na karyść Łukašenki nieprymalnaje.
Demakratyčnuju apazicyju ŭ Biełarusi my padtrymajem dalejšymi prapanovami. Kali Łukašenka nie vyrašyć źmianić kurs, my budziem imknucca da pašyreńnia isnujučych sankcyj ES, kab abciažaryć režymu dostup da finansavańnia», — havorycca ŭ kaalicyjnym pahadnieńni novaha ŭrada.
Ciapier čytajuć
62‑hadovaja biznesvumen i miljanierka Iryna Ciareščanka padzialiłasia historyjaj svajho kachańnia z mužčynam, na 20 hadoŭ małodšym za jaje6
Kamientary