Spytali ŭ Dziaržpahrankamiteta, čamu nie zatrymali mihrantaŭ u pamiežnaj zonie, jak taho patrabuje zakon. I voś što nam adkazali
Siońnia prachodziać pramyja linii z čynoŭnikami amal usich ministerstvaŭ i viedamstvaŭ. Aŭtar «Našaj Nivy» dazvaniŭsia da namieśnika staršyni Dziaržaŭnaha pahraničnaha kamiteta Ihara Piečania, kab spytać pra asobnyja momanty mihranckaj historyi.
Voś što pačuŭ u trubcy pahraničny čynoŭnik: «Ja vielmi ŭvažliva sačyŭ za padziejami ź mihrantami na hranicy. Hladzieŭ usie strymy BT, čytaŭ naviny na roznych resursach i adnačasova vyvučaŭ zakanadaŭstva, a mienavita: Zakon ab dziaržaŭnaj hranicy, Zakon ab pahraničnaj słužbie i Kancepcyju zabieśpiačeńnia pahraničnaj biaśpieki na 2018—2022 hady. U mianie samaje hałoŭnaje da vas mahistralnaje pytańnie: čamu vašaje viedamstva ŭ svajoj rabocie nie kirujecca zakonami Respubliki Biełaruś?
Ja pryjšoŭ da vysnovy, što ŭsio toje, što adbyvałasia, — heta pramyja parušeńni biełaruskaha zakanadaŭstva.
Naprykład (vy lepš za mianie viedajecie), što pierachod dziaržaŭnaj hranicy mahčymy tolki ŭ punkcie propusku — čamu vy nie puścili mihrantaŭ u «Bruzhi»? Ci pakarali vy (i čamu nie spynili) tych, chto raźbiraŭ i kidaŭ plitku ŭ polskich pahraničnikaŭ? Čamu vy nie štrafavali tych, chto niezakonna znachodzicca ŭ pahraničnaj pałasie? I hetak dalej. Šmat pytańniaŭ biez adkazaŭ».
Što adkazaŭ čynoŭnik?
«Pa-pieršaje, pačniom z taho, što orhany pahraničnaj słužby vykonvajuć zakanadaŭstva ab dziaržaŭnaj hranicy. Druhoje — vy navat na padstavie srodkaŭ masavaj infarmacyi na mnohija pytańni znojdziecie adkazy, treciaje — vy taksama ŭ poŭnaj miery nie vałodajecie abstanoŭkaj, čaćviortaje, što ja pavinien vam skazać, heta toje, što vašaja acenka maje prava na žyćcio, ale jana nie źjaŭlajecca padstavaj dla našaha z vami abmierkavańnia hetaha pytańnia. Adkaz skončany», — skazaŭ Ihar Piečań.
Kamientary