Heta samy małady trenier u historyi mienskaj futbolnaj kamandy.
Adstaŭka sierbskaha śpiecyjalista Słavaluba Muślina siensacyjaj nie stała. Zatoje dla mnohich stała niečakanaściu piersona novaha hałoŭnaha treniera staličnaha kłuba.
Adstaŭka, pra jakuju 56‑hadovy sierbski śpiecyjalist zajaviŭ na pres‑kanfierencyi paśla matču 2‑ha kvalifikacyjnaha raŭndu Lihi Jeŭropy ŭ Tromsio, jaki minčuki prajhrali ź likam 1:4, pryniata kiraŭnictvam «Dynama».
Na starcie siezona Muślin zajaŭlaŭ, što meta ŭ kamandy — załatyja miedali. Ale paśla pieršaha kruha «Dynama» adstaje ad BATE na 12 bałaŭ, tak što šancaŭ apiaredzić barysaŭski kłub niašmat. Dyj u Lizie Jeŭropy Muślin raźličvaŭ na hrupavuju stadyju.
U paniadziełak, 27 lipienia, kamandzie byŭ pradstaŭleny novy hałoŭny trenier. Im staŭ 27‑hadovy nastaŭnik dynamaŭskaha dubla Kiryła Alšeŭski. Heta samy małady trenier u historyi kłuba dy i, vidać, naohuł jeŭrapiejskaha kłubnaha futboła.
Jaho pryznačeńnie na pasadu hałoŭnaha treniera minskaha «Dynama» vyhladaje siensacyjnym. Ale niahledziačy na maładość, jon sumlenny, razumny i surjozny małady čałaviek, jaki pilna sočyć za tendencyjami ŭ suśvietnym futbole. Niama sumnievaŭ, što Alšeŭski vyraście ŭ mocnaha i kvalifikavanaha treniera.
Aproč taho, mienavita hulnia dynamaŭskaj moładzi ciešyła voka. A ŭ «Dynama» Alšeŭski pierajšoŭ z dubla BATE, dzie jon byŭ pamočnikam hałoŭnaha treniera.
Takim čynam Kiryła Alšeŭski stanie 19-m trenieram «Dynama» za dzieviać hadoŭ.
***
Pieršy ispyt u Alšeŭskaha - užo ŭ hetu niadzielu, kali adnoviacca matčy čempijanatu Biełarusi pa futbole. «Dynama» zhulaje ŭ haściach suprać «Minska». FK «Minsk» pravodzić svaje matčy na stadyjonie «Tarpieda».
Capkała i Bałkuniec atakavali litoŭskaha palityka, jaki dapamahaŭ biełarusam paśla 2020‑ha i spryčyniŭsia da spravy, jakuju zavioŭ prakuror u Haazie28
Kamientary