Vypadak u šanchajskim Dysnejlendzie adbyŭsia 31 kastryčnika, kali park atrakcyjonaŭ padčas vychodnych i Chełoŭina naviedvała kala 34 tysiač čałaviek. Paśla taho jak źjaviłasia infarmacyja ab mahčymym teście sa stanoŭčym vynikam na Covid-19, uvieś Dysnejlejnd začynili, a astatnich naviedvalnikaŭ i rabotnikaŭ, jakija zastalisia ŭnutry, vypuskali z terytoryi parku tolki paśla zdačy testa.
Naviedvalniki Dysnejlenda ŭ svaich sacyjalnych sietkach adznačali, što nikoli b nie padumali pra toje, što samaja doŭhaja čarha ŭ ich žyćci budzie na zdaču nukleinavaj kisłaty. Paźniej ułady krainy zajavili, što stanoŭčych testaŭ u naviedvalnikaŭ Dysnejlenda nie vyjavili. Park atrakcyjonaŭ zastaniecca začynienym jak minimum da 3 listapada.
ŚMI paviedamlajuć, što krynicaj virusa mahła być žančyna, jakaja naviedała Dysnejlend 30 kastryčnika, jakaja była ŭ ciesnym kantakcie z chvorym. Paśla hetaha jana zdała test na Covid-19 i atrymała stanoŭčy vynik, adnak inšyja krynicy pišuć, što hetaja žančyna naohuł nie naviedvała Dysnejlend.
Miarkujučy pa statystycy, taki strohi padychod z abmiežavańniami ŭsio ž daje svaje vyniki — u Kitai z pačatku pandemii było mienš za piać tysiač śmiarotnych vynikaŭ, u toj čas jak u ZŠA hetaja kolkaść dasiahnuła amal 750 tysiač, a ŭ Rasii — 235 tysiač. Kitaj zastajecca adzinaj krainaj u śviecie, jakaja płanuje źniščyć Covid-19, u toj čas jak astatnija pastupova źmiakčajuć abmiežavańni i prymajuć novuju realnaść, u jakoj užo zaŭsiody budzie virus.
Piać dzion, 60 udzielnikaŭ, saŭna, biljard i kryki adzin na adnaho. Raskazvajem, jak prajšła zakrytaja «hulnia Mackieviča»42
Kamientary