U Hankonhu zapuścili piacihadzinny aŭtobusny maršrut dla ludziej, jakija chočuć vyspacca
U Hankonhu zapuścili novy aŭtobusny tur praciahłaściu piać hadzin, jaki dazvolić stomlenym pasažyram vyspacca abo prosta rassłabicca ŭ darozie, paviedamlaje AP. Praciahłaść turystyčnaha maršrutu składaje 76 kiłamietraŭ.
Arhanizatary tura ŭziali za asnovu schilnaść pasažyraŭ dramać u hramadskim transparcie. «Kali my abmiarkoŭvali idei novych turaŭ, ja ŭbačyŭ u sacyjalnaj sietcy post siabra, jaki skardziŭsia na toje, što nastolki niervavaŭsia na pracy, što nie moh narmalna spać pa načach u łožku, ale vydatna zasynaŭ u aŭtobusie», — kaža Kenet Konh, mieniedžar arhanizacyi ulu travel, jakaja raspracavała maršrut.
Cana pajezdki ŭ dvuchpaviarchovym aŭtobusie varjirujecca ad $13 da $51 u zaležnaści ad nabytaha miescy. Usim pasažyram vydajuć maski dla snu i bierušy, kab ništo nie adciahvała ad adpačynku. Upieršyniu Sleeping Bus Tour pratestavali 16 kastryčnika — usie kvitki na rejs byli raspradadzienyja. Niekatoryja pasažyry prynieśli z saboj ułasnuju koŭdru, tepciki i darožnuju padušku.
«Ludziam u Hankonhu nie chapaje času na son, i davodzicca znachodzić dla hetaha inšyja mahčymaści, naprykład padčas štodzionnaj pajezdki na pracu ŭ hramadskim transparcie. U vyniku ŭ niekatorych pasažyraŭ jon pačynaje asacyjavacca sa snom. Voś čamu im lahčej rassłabicca ŭ aŭtobusie», — kaža doktar Šyrli Li.
Niahledziačy na toje, što asnoŭnaja meta tura — adpačynak u sałonie, aŭtobus taksama spyniajecca ŭ malaŭničych miescach, dzie ŭdzielniki tura mohuć zrabić fota.
Ciapier čytajuć
Na «Hrodna Azocie» skončyŭ žyćcio samahubstvam namieśnik načalnika cecha1
Na «Hrodna Azocie» skončyŭ žyćcio samahubstvam namieśnik načalnika cecha
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary