Polskija śpiecsłužby: Pad vyhladam lekaŭ biełaruskija siłaviki dajuć mihrantam narkotyki, u tym liku i dzieciam
Pra heta na admysłovaj pres-kanfierencyi paviedamiŭ pres-sakratar ministra-kaardynatara polskich śpiecsłužb Stanisłaŭ Žaryn.
Pa słovach Žaryna, takuju infarmacyju im paviedamili litoŭskija śpiecsłužby. Nibyta 22 lipienia pad Druskienikami litoŭskija pamiežniki aryštavali hrupu z 15 čałaviek, hramadzian Iraka i Rasii, razam ź jakimi było dvoje dziaciej va ŭzroście 6 i 1,5 hoda. Paśla zatrymańnia darosłyja paviedamili pamiežnikam, što nie mohuć razbudzić dziaciej, i paprasili dapamohi.
Apisvajučy abstaviny, jany skazali, što adzin ź biełarusaŭ, jaki supravadžaŭ ich, daŭ im dźvie tabletki dla dziaciej, kab jany «nie płakali pry pierasiačeńni miažy».
U vyniku dziaciej špitalizavali. Daktary vyjavili narkotyk mietadon. Pa słovach polskich siłavikoŭ, dzieci mahli zahinuć, kali b nie chutkaje ŭmiašalnictva litoŭskich pamiežnikaŭ i daktaroŭ.
Čytajcie taksama: Kiraŭnik MUS Polščy: Sa žniŭnia było 9400 sprob nielehalna pierasiekčy biełaruska-polskuju miažu
Ciapier čytajuć
Capkała i Bałkuniec atakavali litoŭskaha palityka, jaki dapamahaŭ biełarusam paśla 2020‑ha i spryčyniŭsia da spravy, jakuju zavioŭ prakuror u Haazie5555
Kamientary