U narodnaj majstrychi z Małaryty zhareła ŭsio. Sama jana vypaŭzła z ahniu, vybiŭšy hałavoj šybu
Biada ŭ narodnaha majstra Biełarusi Ściepanidy Ściepaniuk ź vioski Darapijevičy, što ŭ Małaryckim rajonie, zdaryłasia a piataj ranicy 7 vieraśnia.
U domie zdaryŭsia pažar, zhareli natkanyja ručniki, pościłki, namitki, spadnicy, burki. Zhareŭ Ściepanidzin stroj, jaki jana vytkała sabie na śmierć.
Adnak sama Ściepanida, jakaja pieraniesła nie adzin insult i była ŭžo faktyčna prykavana da łožka, vyratavałasia, paviedamiła ŭ svaim fejsbuku Łarysa Byćko.
Staraja žančyna, raźbiŭšy hałavoj akno, vypaŭzła na dvor.
Zaraz Ściepanida Alaksiejeŭna znachodzicca ŭ domie dački, što žyvie pobač.
Acaleŭ tolki orden, jakim uhanaravali jaje za tvorčuju dziejnaść da 80-hodździa, a vykanaŭ jaho viadomy bieraściejski mastak-emaljer Mikoła Kuźmič.
«Raścisnuŭšy kułačok, pakazała jaho, orden «Za viernaść Baćkaŭščynie» — piša Łarysa Byćko.
***
Ściepanida Ściepaniuk — viadomaja tkačycha, jana vytkała šmat ručnikoŭ, pościłak, adzieńnia. Usio heta zachoŭvałasia ŭ jaje domie.
Ciapier čytajuć
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim12
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»3333
Kamientary