Alaksandr Łukašenka zajaviŭ u piatnicu ŭ Pietrykavie, što kraina navat va ŭmovach sankcyj vykanaje svaje abaviazacielstvy pa ekspartnych pastaŭkach kalijnych uhnajeńniaŭ.
«Popyt na jaho vialiki i raście z hoda ŭ hod. «Biełaruśkalij» — adzin ź viadučych hulcoŭ na suśvietnym rynku ŭhnajeńniaŭ, robić i pradaje bolš za 20% kalijnych uhnajeńniaŭ. Ale samaje hałoŭnaje, ja nie pabajusia hetaha słova, pakolki hłyboka pahružany ŭ vytvorčaść i prodaž kalijnych uhnajeńniaŭ, heta samy nadziejny partnior u śviecie. I my nikoli nie padvodzili i nie padviadziom svaich partnioraŭ», — skazaŭ Łukašenka padčas adkryćcia Pietrykaŭskaha horna-ŭzbahačalnaha kambinata. Jaho słovy cytuje BiełTA.
Pavodle jaho słoŭ, navat ciapier, va ŭmovach sankcyj ZŠA i krain ES, kali «źbiehłyja apazicyjaniery hetyja sankcyi vyprošvajuć, Biełaruś nikoha nie padvodzić i abaviazkova vykanaje ŭsie svaje abaviazalnictvy».
«My, naadvarot, šukajem novyja adrasy pastavak, novyja mahčymaści dastaŭki tavara. U kalijnych uhnajeńniach ź Biełarusi siońnia zacikaŭleny takija hihanty, jak Kitaj, Brazilija, Indyja i mnostva inšych krain, — zaŭvažyŭ kiraŭnik dziaržavy. — Śviet vialiki. Praz pandemiju karanavirusa na płaniecie jašče vastrej paŭstała pytańnie zabieśpiačeńnia charčavańniem, praduktami charčavańnia, takim čynam, i ŭhnajeńniami».
Ciapier čytajuć
ZŠA paviedamili, što vyzvaleńnie palitviaźniaŭ u Biełarusi «adkładzienaje na niekatory čas»24
ZŠA paviedamili, što vyzvaleńnie palitviaźniaŭ u Biełarusi «adkładzienaje na niekatory čas»
Nivodnaha minskaha, homielskaha, italjanskaha ci francuzskaha. Zatoje ŭ Mahilovie budujuć užo čaćviorty rasijski dvoryk, hetym razam — ź miadźviedziem1313
Kamientary