Film «Kuraž» idzie ŭ niamieckim prakacie. Jaho hladziać razam ź biełaruskimi palitviaźniami
Paśla publičnaj premjery «Kuraža» na Bierlinale film pra biełaruskija pratesty vyjšaŭ u niamiecki prakat. Režysior karciny Alaksiej Pałujan praciahvaje ładzić na pakazach akcyi salidarnaści ź biełaruskimi palitviaźniami.
Upieršyniu takaja akcyja adbyłasia na Bierlinskim mižnarodnym kinafiestyvali. Jaje sutnaść u tym, što hladač znachodzić na svaim kreśle kartačku palitviaźnia i jak by razam z hetym čałaviekam, što fizična nie moža prysutničać na sieansie, hladzić film.
«Heta spakojnaja akcyja, biez słoŭ — usio pa-biełarusku», — kamientavaŭ Alaksiej Pałujan. 1 lipienia «Kuraž» vyjšaŭ u prakat u Hiermanii, dzie papiarednie maje być pakazany prynamsi ŭ dvaccaci piaci haradach.
Padčas hetych pakazaŭ režysior praciahvaje ładzić akcyi salidarnaści ź biełaruskimi palitviaźniami — jany ŭžo adbylisia ŭ Bremienie, Dziusieldorfie, Frankfurcie i Kaseli. «Napieradzie dziasiatki inšych haradoŭ!» — abiacaje Alaksiej.
U kancy červienia film stali pakazvać na vialikich ekranach Aŭstryi. Publičnaja premjera «Kuraža» na Bierlinale adbyłasia 11 červienia.
Ciapier čytajuć
«A 4‑j hadzinie nočy my zrazumieli, što sierviery prosta vyčyščanyja». Jarasłaŭ Ivaniuk raskazaŭ padrabiaznaści pra ataku na anłajn-biblijateku «Kamunikat»1111
Kamientary