Łukašenka dazvoliŭ hramadzianam 73 dziaržaŭ bieź vizy pryjazdžać u Biełaruś dla vakcynacyi ad kavidu
Mahčymaść biaźvizavaha naviedvańnia Biełarusi pradastaŭlajecca z 15 lipienia 2021 hoda hramadzianam 73 dziaržaŭ na termin da piaci sutak dla vakcynacyi ad COVID-19. Heta praduhledžana ŭkazam №251, jaki padpisaŭ siońnia Łukašenka.
Vakcynacyju zamiežnych hramadzian ad COVID-19 płanujecca pravodzić na płatnaj asnovie ŭ miedycynskich arhanizacyjach, vyznačanych Ministerstvam achovy zdaroŭja.
Ustanoŭleny paradak praviadzieńnia vakcynacyi zamiežnikaŭ (jaki ŭklučaje zbor i apracoŭku zajavak u infarmacyjnaj sistemie, niepasrednaje akazańnie pasłuhi i afarmleńnie siertyfikata ab vakcynacyi) budzie prymianiacca ŭ dačynieńni da ŭsich hramadzian zamiežža, u tym liku dla tych, jakija majuć prava na biaźvizavy ŭjezd u Biełaruś pa inšych padstavach.
Nahadajem, tempy vakcynacyi ŭ Biełarusi źjaŭlajucca adnymi z samych nizkich u Jeŭropie.
Hramadzianam Biełarusi zaraz dastupnyja tolki rasijskija i kitajskija vakcyny. Vakcyny Pfizer-BioNTech, AstraZeneca, Moderna, Johnson & Johnson, jakimi aktyŭna pryščaplajucca jeŭrapiejskija krainy, niedastupnyja dla biełarusaŭ.
Zamiežniki zmohuć prajści vakcynacyju ad COVID-19 u bolš čym 80 ustanovach achovy zdaroŭja Biełarusi.
Aryjencirovačnaja suma za ŭviadzieńnie dvuch kampanientaŭ vakcyny składaje ad 130 da 150 rubloŭ.
Pa jaho słovach, zamiežniki zmohuć prylacieć u Biełaruś na samalocie, pryjechać na ciahniku ci aŭtamabili dla vakcynacyi.
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary