Лукашэнка дазволіў грамадзянам 73 дзяржаў без візы прыязджаць у Беларусь для вакцынацыі ад кавіду
Магчымасць бязвізавага наведвання Беларусі прадастаўляецца з 15 ліпеня 2021 года грамадзянам 73 дзяржаў на тэрмін да пяці сутак для вакцынацыі ад COVID-19. Гэта прадугледжана ўказам №251, які падпісаў сёння Лукашэнка.
Вакцынацыю замежных грамадзян ад COVID-19 плануецца праводзіць на платнай аснове ў медыцынскіх арганізацыях, вызначаных Міністэрствам аховы здароўя.
Устаноўлены парадак правядзення вакцынацыі замежнікаў (які ўключае збор і апрацоўку заявак у інфармацыйнай сістэме, непасрэднае аказанне паслугі і афармленне сертыфіката аб вакцынацыі) будзе прымяняцца ў дачыненні да ўсіх грамадзян замежжа, у тым ліку для тых, якія маюць права на бязвізавы ўезд у Беларусь па іншых падставах.
Нагадаем, тэмпы вакцынацыі ў Беларусі з'яўляюцца аднымі з самых нізкіх у Еўропе.
Грамадзянам Беларусі зараз даступныя толькі расійскія і кітайскія вакцыны. Вакцыны Pfizer-BioNTech, AstraZeneca, Moderna, Johnson & Johnson, якімі актыўна прышчапляюцца еўрапейскія краіны, недаступныя для беларусаў.
Замежнікі змогуць прайсці вакцынацыю ад COVID-19 у больш чым 80 установах аховы здароўя Беларусі.
Арыенціровачная сума за ўвядзенне двух кампанентаў вакцыны складае ад 130 да 150 рублёў.
Па яго словах, замежнікі змогуць прыляцець у Беларусь на самалёце, прыехаць на цягніку ці аўтамабілі для вакцынацыі.
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары