Pra heta ŭ intervju BiełTA zajaviŭ člen Savieta Respubliki, prarektar Mahiloŭskaha dziaržaŭnaha ŭniviersiteta imia Kulašova Aleh Dziačenka.
BiełTA
«22 červienia 1941 hoda — sumnaja data ŭ historyi biełaruskaha naroda. Vierałomny napad hitleraŭskaj Hiermanii i jaje satelitaŭ pryvioŭ nie tolki da tatalnaha razbureńnia ekanomiki našaj krainy. Suprać mirnaha nasielnictva pačaŭsia vielmi žorstki teror, jaki ŭražvaje svaimi maštabami», — nahadaŭ Dziačenka.
«Na žal, nie ŭsie vajennyja złačyncy atrymali zasłužanaje pakarańnie za svaje ŭčynki. Mnohija ź ich schavalisia na blizkim i dalokim Zachadzie, dzie tak zvanyja raźvityja demakratyi pad roznymi nadumanymi padstavami i źviarnuŭšysia da jurydyčnaj kazuistyki ŭziali ich pad abaronu», — ličyć Aleh Dziačenka.
Jon upeŭnieny, što siońnia my znoŭ sutyknulisia ź vierałomstvam i kryvadušnaściu «kalektyŭnaha Zachadu».
«Źviarnicie ŭvahu: jak tolki Biełaruś na aficyjnym uzroŭni zajaviła ab padrychtoŭcy dakumientaŭ dla nakiravańnia ŭ mižnarodny trybunał dokazaŭ, dastatkovych dla aficyjnaha pryznańnia hienacydu biełaruskaha naroda ŭ pieryjad Vialikaj Ajčynnaj vajny, na Zachadzie pajšła całkam pradkazalnaja reakcyja — infarmacyjna-psichałahičnaja vajna i ŭviadzieńnie ekanamičnych sankcyj.
Ale my dobra pamiatajem, što 80 hadoŭ tamu mienavita «abjadnanaja Jeŭropa» taho času na čale z nacysckaj Hiermanijaj raźviazała tatalnuju vajnu suprać našaha naroda.
Historyja paŭtarajecca, — kaža Dziačenka. — Zachodnija palityki siońnia nie lubiać heta ŭspaminać, tamu zavarušylisia i z padačy novych kałabaracyjanistaŭ sprabujuć źmianić paradak dnia, raźviazaŭšy čarhovuju hibrydnuju vajnu suprać naroda Biełarusi, prymianiajučy ekanamičnyja sankcyi, błakirujučy avijaznosiny i raspaŭsiudžvajučy dezynfarmacyju ab našaj krainie.
Maje miesca sproba kalektyŭnaha Zachadu ŭchilicca ad adkaznaści za raźviazvańnie hienacydu biełaruskaha naroda ŭ pieryjad Vialikaj Ajčynnaj vajny i paźbiehnuć surjoznych kampiensacyj siemjam achviar biełaruskaha chałakostu».
Ciapier čytajuć
Krutoha ajcišnika, jaki viarnuŭsia z Hruzii, asudzili pa čatyroch palityčnych artykułach2
Kamientary