Piatroŭski: Na chutkaj amnistyi viaźniaŭ buduć nastojvać i Maskva, i Vašynhton
Abmierkavańnie biełaruskaha kiejsa maje supraćlehłaje bačańnie ŭ Maskvie i Vašynhtonie, ale ŭ pytańni amnistyi jany sychodziacca. Takoje mierkavańnie ŭ svaim Telegram-kanale vykazaŭ palitołah Piatro Piatroŭski.
«Kantekst sustrečy Pucina i Bajdena farmiravaŭsia ŭzmacnieńniem pazicyj Kitaja. Dla Bajdena stajała zadača nie dapuścić aljansu Piekina i Maskvy. Dla Pucina — vytarhavać manieŭr dla siabie dla zachavańnia roŭnaaddalenaści Rasii ad Kitaja. Dla hetaha jašče da sustrečy Vašynhton pahadziŭsia na padpisańnie damovy ab abmiežavańni jadziernych uzbrajeńniaŭ i na realizacyju prajekta «Paŭnočny patok — 2». Ciapier ža Vašynhton pajšoŭ dalej i zrabiŭ Maskvie jašče niekalki bazavych prapanoŭ», — piša Piatro Piatroŭski, ekśpiert łukašenkaŭskaha abjadnańnia «Biełaja Ruś».
U liku prapanoŭ jon nazvaŭ intensifikacyju supracoŭnictva ŭ Arktycy, salidarnaść pa iranskaj jadziernaj uhodzie i sumiesnaje zabieśpiačeńnie biaśpieki ŭ Afhanistanie na fonie vyvadu kantynhientu vojskaŭ krain NATA.
«Vašynhton pahadziŭsia na pryjarytetnaść vykanańnia Minskich pahadnieńniaŭ ab Danbasie, što demanstruje revierans u bok Maskvy. Bajden taksama ahučyŭ mahčymaści adnaŭleńnia amierykanskich inviestycyj u Rasiju, što ŭskosna kaža pra pierśpiektyvy źmiakčeńnia sankcyjnaha režymu pry vykanańni peŭnych umoŭ. I, napeŭna, samy hałoŭny adpraŭny punkt — viartańnie pasłoŭ dźviuch krain. Dumaju, što najbližejšym časam budzie adbyvacca adnaŭleńnie štatu dvuch dyppradstaŭnictvaŭ. Siudy ž adnosicca i damoŭlenaść ab abmienie źniavolenymi», — piša Piatro Piatroŭski.
«Cikavy dla Minska kiejs — niedapuščeńnie militaryzacyi krain NATA ŭzdoŭž miažy Sajuznaj dziaržavy kali i abmiarkoŭvałasia, to pładoŭ, mabyć, nie pryniesła», — kaža Piatroŭski.
Havoračy pra značeńnie pieramovaŭ Uładzimira Pucina i Džo Bajdena dla Biełarusi, palitołah vykazaŭ mierkavańnie, što dla Biełarusi jakraz važnym vystupaje spałučeńnie intaresaŭ Maskvy i Piekina ŭ Minsku, niedapuščeńnie ich supraćpastaŭleńnia.
«Abmierkavańnie biełaruskaha kiejsa, kali zychodzić z pramovy Bajdena i tłumačeńniaŭ Piaskova, maje supraćlehłaje bačańnie ŭ Maskvie i Vašynhtonie. Ale, dumaju, abodva baki buduć nastojvać na bolš chutkaj amnistyi asudžanych, jakaja da zakančeńnia ŭsich śledčych spraŭ i praviadzieńnia kanstytucyjnaj reformy dla Minska bačycca niepažadanaj», — miarkuje Piatroŭski.
-
Babaryka turemščykam: «U mianie było, ciapier niama, ale jość šaniec, što budzie. A ŭ vas nie było, niama i nie budzie. I ŭ vašych dziaciej nie budzie»
-
«Mnie kazali: ty havoryš jak kanadski emihrant». Siarhiej Šupa raskazaŭ pra Vilniu 90-ch, paraŭnańnie litoŭskaj litaratury ź biełaruskaj i adroźnieńni pamiž narodami
-
Łukašenka pavodzić siabie ŭ «makdonaldsie» jak u savieckaj stałoŭcy. I dumaje, što heta kruta
Ciapier čytajuć
Babaryka: Kali b my pieramahli — vajny va Ukrainie nie było b7
Babaryka: Kali b my pieramahli — vajny va Ukrainie nie było b
Babaryka turemščykam: «U mianie było, ciapier niama, ale jość šaniec, što budzie. A ŭ vas nie było, niama i nie budzie. I ŭ vašych dziaciej nie budzie»55
Kamientary