Biełarusy skardziacca, što nie mohuć pryščapicca druhim kampanientam vakcyny — jak tak vyjšła i što rabić?
Jak stała viadoma «Našaj Nivie», užo ŭ niekalkich paliklinikach roznych haradoŭ i rajonaŭ nazirajecca prablema: niama druhoha kampanienta vakcyny. Ludzi prychodziać praz 21 dzień paśla ŭviadzieńnia pieršaha kampanienta i ŭžo na miescy daviedvajucca, što «druhoha niama ŭ najaŭnaści, kali budzie — nieviadoma».
Ale čamu takoje adbyvajecca, ci nie pavinny kampanienty toj ža «Sputnik V» ci kitajskaj vakcyny ad Sinopharm pa zmoŭčańni być adkładzienyja kamplektam na adnaho čałavieka?
U minskaj paliklinicy №38, dzie ludzi siońnia sutyknulisia z hetaj prablemaj, nam nie zmahli kankretna adkazać na pytańnie: «Adbyłasia niejkaja biazhłuździca. Zvyčajna kali my zaprašajem čałavieka na pieršuju pryščepku, to druhaja adbudziecca abaviazkova pa raskładzie. Ale tut druhi kampanient nie davieźli svoječasova. Nam abiacali, što jaho pieradaduć u palikliniku da kanca tydnia. My budziem paviedamlać pra heta hramadzianam pa telefonie».
Usim, chto choča paskoryć praces, u Minzdaroŭja rajać źviartacca ŭ centralnuju palikliniku vašaha rajona, jakaja zvyčajna razdaje vakcyny ŭ inšyja miedustanovy i moža skaardynavać, dzie jašče možna pryščapicca (dla Kastryčnickaha rajona i 38-j palikliniki heta, naprykład, 3-ja centralnaja balnica), a taksama ŭ miascovyja centry hihijeny i epidemijałohii.
«Pa apošnich daśledavańniach, intervał pamiž uviadzieńniem dvuch kampanientaŭ moža być pavialičany da 90 dzion, — zaspakojvaje «Našu Nivu» adzin z epidemijałohaŭ. — Pieršy kampanient i druhi — roznaha składu, ich navat raźlivajuć nieadnačasova, tamu i pastupać u palikliniki jany mohuć u rozny čas».
Zhodna z apošnimi źviestkami, u Biełarusi tolki 619 tysiač čałaviek atrymali pieršuju dozu vakcyny suprać COVID-19. Kala 329 tysiač hramadzian prajšli poŭny kurs vakcynacyi.
Capkała i Bałkuniec atakavali litoŭskaha palityka, jaki dapamahaŭ biełarusam paśla 2020‑ha i spryčyniŭsia da spravy, jakuju zavioŭ prakuror u Haazie36
Kamientary