Pamior prafiesar Viačasłaŭ Januška. Jon pravioŭ bolš za 7000 apieracyj na sercy i sasudach
Prafiesar Viačasłaŭ Januška pamior na 71 hodzie žyćcia.
Ab śmierci prafiesara, doktara miedycynskich navuk Viačasłava Alaksiejeviča Januški paviedamiła Minzdaroŭja.
Viačasłaŭ Januška byŭ staršynioj Biełaruskaj asacyjacyi anhijołahaŭ i sasudzistych chirurhaŭ, členam Jeŭrapiejskaha tavarystva kardyjołahaŭ, Jeŭrapiejskaj asacyjacyi kardyjatarakalnych chirurhaŭ.
Naradziŭsia 3 listapada 1950 hoda ŭ Biarozie. U 1973 h. skončyŭ Minski miedinstytut i paśla prachodžańnia internatury pa śpiecyjalnaści «chirurhija» na bazie Baranavickaj haradskoj balnicy pracavaŭ chirurham u Ivacevickaj rajonnaj balnicy, chirurham u adździaleńni sasudzistaj patałohii Minskaj abłasnoj kliničnaj balnicy, u BiełNDI kardyjałohii.
U 1982 h. abaraniŭ kandydackuju, a ŭ 1990 h. staŭ doktaram miedycynskich navuk. Šmat hadoŭ Viačasłaŭ Januška byŭ hałoŭnym pazaštatnym sasudzistym chirurham Ministerstva achovy zdaroŭja.
Za čas praktyčnaj dziejnaści Viačasłaŭ Januška pravioŭ bolš za 7000 apieracyj na sercy i sasudach.
Viačasłaŭ Januška ŭpieršyniu raspracavaŭ chirurhičnuju taktyku adnamomantavaha lačeńnia chvorych z spałučanym paražeńniem karanarnych arteryj i arteryj roznych łakalizacyj, jakaja z pośpiecham užyvajecca ŭ mnohich krainach SND dy inš.
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»32
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić1010
Kamientary