Na jaho terytoryi sabrałasia niepradadzienaja technika.
Pavodle słoŭ rabotnikaŭ pradpryjemstva, pracoŭnymi dniami buduć aŭtorak, sierada i čaćvier.
Ciapier MTZ pracuje ŭ režymie čatyrochdzionki. Chodziać taksama čutki, što značnaj častcy zavadčan budzie prapanavana ŭziać adpačynak u žniŭni za svoj košt.
Takuju infarmacyju ŭ administracyi pradpryjemstva, zrešty, nie paćviardžajuć. Namieśnik dyrektara MTZ Vasil Tymanovič zajaviŭ interniet‑resursu «My»: «Čutki čutkami, a my pracujem u našym režymie». Pavodle jaho słoŭ, vypuskajecca ŭsia pradukcyja, na jakuju majucca zakazy.
Miž tym, pavodle źviestak Biełstata, zapasy traktaroŭ na 1 červienia 2009 hoda dasiahnuli 5,3 tys. štuk.
Za hod jany ŭzraśli ŭ 3,1 razu. Ciapier zapasy pieravyšajuć siaredniamiesiačny abjom vytvorčaści amal u 1,3 razu. Niekalki zdymaje vastryniu situacyi niadaŭna padpisany ŭ Ašchabadzie kantrakt ab pastaŭkach 1,5 tys. traktaroŭ na 33 młn. dołaraŭ u Turkmienistan.
Na zdymkach — takuju kolkaść novieńkich traktaroŭ «Biełaruś» mohuć štodzionna nazirać minčanie, jakija prajazdžajuć praz most na vulicy Vaŭpšasava, da jakoj prymykaje terytoryja MTZ.
Ciapier čytajuć
Capkała i Bałkuniec atakavali litoŭskaha palityka, jaki dapamahaŭ biełarusam paśla 2020‑ha i spryčyniŭsia da spravy, jakuju zavioŭ prakuror u Haazie47
Kamientary