Ukrainskaja śpiavačka ŭ efiry ANT skazała, što pajedzie na «Słavianski bazar». Ale zatym zajaviła, što jaje nie tak zrazumieli
Ukrainskaja śpiavačka Cina Karal abvierhła svoj udzieł u «Słavianskim bazary ŭ Viciebsku». Jana zajaviła, što tudy cioleta dakładna nie pajedzie, piša RBK-Ukrajina.
Tak, niadaŭna ŭ internecie źjaviłasia videa, dzie śpiavačka vychodzić na anłajn-suviaź u efiry ANT. I na pytańnie viadučaj ab tym, ci pajedzie jana na «Słavianski bazar» u 2021 hodzie, adkazała śćviardžalna.
«Ja nie prymušu vas sumavać. Ja imčusia da vas!» — zajaviła artystka.
Ciapier ža pradstaŭniki śpiavački zajaŭlajuć, što padčas efiru suviaź pieraryvałasia, i śpiavačka zrazumieła pytańnie viadučaj, jak zaprašeńnie ŭ Biełaruś z kancertami ŭ cełym, a nie na fiestyval u Viciebsku.
Nahadajem, što 30-y mižnarodny «Słavianski bazar u Viciebsku» projdzie z 15 pa 18 lipienia. U im zajaŭleny ŭdzielniki ad 73 dziaržaŭ.
Nie tak daŭno ad udziełu ŭ fiestyvali admovilisia ŭkrainskija televiadučyja, jakich zajavili, jak pradstaŭnikoŭ ukrainskaha boku: Cimur Mirašničenka i Andrej Damanski. Akramia taho svoj udzieł źniaŭ Aleh Vińnik i MARUV.
«Słavianski bazar u Viciebsku» prachodzić pry padtrymcy Alaksandra Łukašenki, a Ukraina nie pryznaje jaho lehitymnym prezidentam paśla letašnich padziej u krainie, represij, razhonu mirnych demanstracyi.
Ciapier čytajuć
Jak rychtavaŭsia vizit Cichanoŭskaj u Kijeŭ i čamu jon niekalki razoŭ pieranosiŭsia7
Kamientary