Bolšaść łabaratornych pacukoŭ — samcy, i voś čamu heta prablema
My jašče nie ŭsio viedajem pra roźnicu połaŭ jak u žyvioł, tak i ŭ ludziej, ale jana dakładna źviazanaja nie tolki z harmonami i repraduktyŭnaj sistemaj.
Tak zdarajecca, bo šmat chvarob, u tym liku i kavid, pa-roznamu ŭździejničajuć na istot roznaha połu. Kali nie ŭličvać hetuju roźnicu, vyraście imaviernaść taho, što tuju ci inšuju chvarobu niapravilna dyjahnastujuć ci vylečać, tłumačyć CNN.
Zaraz ciažka skazać, kletki istot jakoha połu čaściej vykarystoŭvajuć pry daśledavańniach, ale ŭžo doŭhi čas pryniata vykarystoŭvać u łabaratornych ekśpierymientach mienavita pacukoŭ-samcoŭ. U 2011 hodzie navukoŭcy vyśvietlili, što padčas nieŭrałahičnych daśledavańniaŭ žyvioły-samcy vykarystoŭvajucca ŭ šeść razoŭ čaściej, čym samki, i pa stanie na 2017 hod situacyja nie našmat źmianiłasia.
Pry hetym žančyny ŭdzielničajuć u kliničnych daśledavańniach z 1990-ch hadoŭ, ale vykarystańnie žyvioł-samak na papiarednich fazach ekśpierymientaŭ, jakija taksama vielmi važnyja, pavialičvajecca našmat pavolniej.
Žančynam čaściej, čym mužčynam, staviać niapravilny dyjahnaz — naprykład, u vypadku infarktu abo sindromu deficytu ŭvahi i hipieraktyŭnaści. Zvyčajna žančyny majuć bolš pabočnych efiektaŭ ad pryjomu lekaŭ, i ŭ ich hetyja efiekty bolš vyražanyja.
Niekatoryja leki, u tym liku niesteroidy ibuprafien i napraksien, bolš efiektyŭna ŭździejničajuć na mužčyn, čym na žančyn. Byvaje i naadvarot: preparat ałasetron, što dapamahaje pry sindromie razdražnionaha kišačnika, dazvoleny da ŭžyvańnia tolki žančynam, bo pry vykarystańni mužčynami jon amal nie efiektyŭny.
My jašče nie ŭsio viedajem pra roźnicu połaŭ jak u žyvioł, tak i ŭ ludziej, ale jana dakładna źviazanaja nie tolki z harmonami i repraduktyŭnaj sistemaj. Zhodna z daśledavańniem minułaha hoda, hetaja roźnica vyražajecca ŭ bolš čym 13 tysiačach hienaŭ. Akramia taho, bolš za 50 rysaŭ i funkcyj cieła źviazanyja z zaležnymi ad połu madelami rehulavańnia dziejańnia hienaŭ.
Ciapier čytajuć
«Ja bolš nie anarchist». Mikoła Dziadok — pra turmu, Boha i rasčaravańnie ŭ ideałohijach2
Kamientary