Vy mahli bačyć jaje ŭ multfilmie «U pošukach Niema».
Hetaja ryba z vostrymi čornymi zubami i vielizarnym adrostkam na hałavie moža nahadvać mifičnuju pačvaru, ale jana całkam realnaja. Takuju žyviołu daŭžynioj 45 santymietraŭ znajšoŭ ŭ apošniuju piatnicu naviedvalnik adnaho z kalifarnijskich plažaŭ.
Cichaakijanskaja futbolnaja ryba, jak jaje kličuć bijołahi, naležyć da atrada Vudzilščykapadobnych i zvyčajna žyvie na hłybini kala 900 mietraŭ. Znajści takuju žyviołu na pavierchni akijana — redkaja źjava. Navukoŭcy pakul nie viedajuć, što mahło jaje vyklikać, piša Guardian.
Paśla znachodki rybu zamarozili, i ciapier, chutčej za usio, jana trapić u muziej pryrodaznaŭstva akruhi Łos-Andželes. Tam užo jość try ekzemplary cichaakijanskaj futbolnaj ryby, ale jany zachavalisia značna horš.
Upieršyniu asobina hetaha vidu była znojdzienaja ŭ 1833 hodzie — jaje vyniesła na bierah Hrenłandyi. Bolšaja častka infarmacyi pra hety vid jakraz stała dastupnaja navukoŭcam praz vyvučeńnie miortvych ryb, jakija niejkim čynam apynulisia na bierazie. Ale ŭ apošnija hady daśledčyki atrymali mahčymaść bačyć cichaakijanskuju futbolnuju rybu ŭ jaje zvyčajnych umovach isnavańnia.
Capkała i Bałkuniec atakavali litoŭskaha palityka, jaki dapamahaŭ biełarusam paśla 2020‑ha i spryčyniŭsia da spravy, jakuju zavioŭ prakuror u Haazie28
Kamientary