Na sajcie Viarchoŭnaha suda apublikavany realny prysud lidaru «Alternatyvy» Alehu Korbanu, źviartajuć uvahu pravaabaroncy.
Jamu było prysudžana pakarańnie ŭ vyhladzie pazbaŭleńnia voli na termin 1,5 hoda, adnak sudom było pastanoŭlena «nie pryvodzić u vykanańnie pryznačanaje pakarańnie, kali na praciahu adnaho hoda vyprabavalnaha terminu abvinavačany Korban nie zrobić novaje złačynstva i budzie vykonvać uskładzienyja na jaho sudom abaviazki».
Heta pieršy vypadak asudžeńnia z umoŭnym nieprymianieńniem pakarańnia pa palityčnych matyvach za čas z pačatku vybarčaj kampanii. Jašče adzin asudžany Arciom Sarokin atrymaŭ adterminoŭku vykanańnia pakarańnia zhodna z artykułam 77 Kryminalnaha kodeksa.
Nahadajem, 23 krasavika na volu niečakana vyjšaŭ palitviazień — kiraŭnik hramadskaj inicyjatyvy «Alternatyva» Aleh Korban. Spravu razhladaŭ sud Maskoŭskaha rajona Minska, praces było vyrašana pravodzić za zakrytymi dźviaryma.
Korban u źniavoleńni znachodziŭsia ad 25 kastryčnika 2020 hoda. Spačatku jon adbyŭ 15-sutkavy aryšt za ŭdzieł u niesankcyjanavanaj vuličnaj akcyi, a paśla jaho pieraviali na Vaładarku jak abvinavačanaha pa kryminalnaj spravie. Aleha sudzili pa č. 1 i 2 artykuła 342 «Arhanizacyja i padrychtoŭka dziejańniaŭ, jakija hruba parušajuć hramadski paradak, ci aktyŭny ŭdzieł u ich». Prysud — paŭtara hoda abmiežavańnia voli.
-
U Minsku z-za paškodžańnia kantaktnaj sietki parušyłasia praca maršrutaŭ niekatorych tralejbusaŭ
-
Byłyja palitźniavolenyja abjadnalisia dziela ŭzajemnaj padtrymki ŭ arhanizacyju «Pobač»
-
«Hryša žyvie tut, budzie jamu kampanija». Siamja z Babrujska prytuliła na padvorku piać lebiedziaŭ, jakija trapili ŭ biadu
Ciapier čytajuć
«U mianie na stale piać hadoŭ lažała papiera ź pieradačaj prava apieki nad synam». Volha Sieviaryniec — pra hady strachu, antydepresanty i nadzieju1414
Kamientary