Rasijskija naftavyja kampanii mohuć prypynić pastaŭki na Naftan z-za sankcyj ZŠA. Abmiežavalnyja miery niepasredna nie zakranuli rasijskija kampanii, ale jany zaniepakojenyja tym, što ich mohuć pakarać, kali praciahniecca supracoŭnictva ź biełaruskimi pradpryjemstvami, paviedamlaje Reuters. Vašynhton adklikaŭ dazvoły na niekatoryja ździełki ZŠA ź dzieviaćciu padsankcyjnymi biełaruskimi dziaržaŭnymi pradpryjemstvami, uklučajučy zavod «Naftan» i jaho ŭładalnika «Biełnaftachim».
Što heta aznačaje dla Biełarusi? My pacikavilisia ŭ ahladalnicy «Biełrynku» Taćciany Manionak.
Jana kaža, što ciažka analizavać insajdarskuju infarmacyju biez aficyjnych zajavaŭ, chacia krynica infarmacyi aŭtarytetnaja, dyj adsutnaść abviaržeńniaŭ z boku nazvanych kampanij dazvalaje mierkavać, što taki scenar razhladajecca.
«Nie vielmi vierycca, što takoje ŭvohule mahčyma, i Rasija pierastanie pastaŭlać naftu ŭ Biełaruś praz amierykanskija sankcyi. Prynamsi ŭ čas dziejańnia hetaha pakieta sankcyj da jaho prypynieńnia (sankcyi ZŠA suprać «Biełnaftachima» i inšych pradpryjemstvaŭ byli ŭviedzienaja ŭ 2007 hodzie — «NN») rasijanie nie bajalisia pastaŭlać», — kaža Manionak.
«Kali jany tak zaniepakoilisia, to, imavierna, źmianiłasia niešta ŭ miechaniźmie dziejańniaŭ sankcyj, u čym ja nie ekśpiert.
Ale kali bujnyja kampanii sapraŭdy admoviacca ad pastavak na «Naftan», to nastupstvy mohuć być fatalnymi.
«Naftan» pierapracoŭvaje 9-10 miljonaŭ ton nafty ŭ hod, heta pałova našaj pierapracoŭki. Jaho pradukcyja idzie i na ŭnutrany rynak, i na źniešni rynak, na pracu «Naftana» zaviazanaja rabota «Palimira» i «Mahiloŭchimvałakna».
Zamiaścić hetyja abjomy abjektyŭna budzie vielmi ciažka: my bačym, ź jakimi ciažkaściami adbyvajecca dyviersifikacyja, nievialikija partyi iduć z Azierbajdžana, ale kali zabajacca rasijanie, to, imavierna, zabajacca pastaŭlać i astatnija?
Ja dumaju, što ŭ takim razie pavialičacca pastaŭki z Rasii ŭ Mazyr, jaki nie pad amierykanskimi sankcyjami. Našyja ścipłyja ŭłasnyja zapasy nafty buduć pieranakiravanyja z ekspartu na ŭnutrany rynak. Ale asnoŭnaje — budzie vieścisia pošuk maleńkich naftavych kampanij u Rasii sa ścipłymi abarotami, jakija za miažu ŭ pryncypie nie pastaŭlajuć, tamu mohuć nie bajacca zachodnich sankcyj.
Ale jany zmohuć pastavić abjomy, dastatkovyja chiba što dla padtrymki cykła vytvorčaści, bo spyniać zavod vielmi doraha, treba, kab jon choć niešta pierapracoŭvaŭ.
Situacyja taksama mocna pahoršycca, kali da amierykanskich sankcyj dałučacca jeŭrapiejcy».
Ciapier čytajuć
«Fieminizm u maim vypadku pieramoh». Vieranika Stankievič — pra dapamohu palitviaźniam u «Volnych» i płany na viasielle ź Ivulinym9
«Fieminizm u maim vypadku pieramoh». Vieranika Stankievič — pra dapamohu palitviaźniam u «Volnych» i płany na viasielle ź Ivulinym
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»2222
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»22
«Pra ciažarnaść viedali tolki jana i jaje chłopiec». Stali viadomyja padrabiaznaści historyi ź miortvym niemaŭlom, znojdzienym u Baranavičach u pakiecie
Kamientary