Kala našaj Soniečnaj sistemy znajšli płanietu Gliese 486 b, jakaja moža dapamahčy ŭ pošukach žyćcia ŭ inšych kutkach Suśvietu. Tempieratura pavierchni novaj supierziamli trochi nižejšaja za tempieraturu Vieniery.
Daśledčyki ź niamieckaha Instytuta astranomii supolnaści Maksa Płanka śćviardžajuć, što ŭmovy na Gliese 486 b zanadta składanyja, kab tam mahło isnavać žyćcio. Na płaniecie vysokaja tempieratura i nizkaja vilhotnaść. Mahčyma, što pa jaje pavierchni ciakuć reki łavy.
Adnak supierziamla znachodzicca niedaloka ad nas i maje šmat supolnych rysaŭ ź Ziamloj, što robić jaje idealnaj dla daśledavańnia teleskopami novaha pakaleńnia. Mahčyma, atrymajecca zdabyć infarmacyju, jakaja dapamoža lepš razumieć skład i strukturu atmaśfiery inšych ekzapłaniet, u tym liku tych, na jakich moža być žyćcio, paviedamlaje DW.
Masa Gliese 486 b amal u 3 razy bolšaja za masu Ziamli, a sama supierziamla znachodzicca za 26,3 śvietłavych hadoŭ ad nas, što robić jaje adnoj z najbližejšych da nas ekzapłaniet.
Supierziemlami nazyvajuć ekzapłaniety, masa jakich bolšaja za masu Ziamli, ale značna mienšaja za masu ledzianych hihantaŭ našaj Soniečnaj sistemy Urana i Niaptuna.
Na siońnia navukoŭcam viadoma bolš za 4300 ekzapłaniet. Niekatoryja ź ich ujaŭlajuć saboj vialikija hazavyja płaniety, padobnyja da Jupitera, a inšyja — bolš maleńkija, padobnyja da Ziamli abjekty. Mienavita na druhich, jak ličać navukoŭcy, moža kvitnieć žyćcio.
Stali viadomyja padrabiaznaści pra trahiedyju ŭ Połackim manastyry16
Stali viadomyja padrabiaznaści pra trahiedyju ŭ Połackim manastyry
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary