Kamiendanckaja hadzina pačnie dziejničać z 3 sakavika, a našeńnie reśpirataraŭ va ŭsich hramadskich miescach stanie abaviazkovym z 15 sakavika. Kali situacyja z COVID-19 nie palepšycca, to ŭłady abvieściać tatalny łakdaŭn, piša RBK.
Urad Słavakii vyrašyŭ uvieści kamiendanckuju hadzinu i abaviazkovaje našeńnie reśpirataraŭ FFP2 ŭ hramadskich miescach z-za raspaŭsiudžvańnia karanavirusa COVID-19.
Kamiendanckuju hadzinu ŭviaduć na ŭsioj terytoryi krainy z 3 sakavika, jana budzie dziejničać z 20:00 da 1:00. U hety čas z doma možna budzie vyjści ŭ vypadku pajezdki na pracu abo pachodu da doktara. Razam z tym z 5:00 da 20:00 hramadzianam budzie zabaroniena vychodzić z doma biez pavažnych pryčyn, jakija pavinny paćviardžacca dakumientami.
Navučalnyja ŭstanovy pakul praciahnuć pracu, adnak vučniaŭ pačatkovych kłasaŭ i vychavancaŭ dziciačych sadkoŭ pavinny buduć asabista pryvodzić baćki, jakija nakiroŭvajucca na pracu. Dziaciej biespracoŭnych ci tych, chto pracuje dystancyjna, abaviazali znachodzicca doma.
Abaviazkovaje našeńnie reśpirataraŭ u kramach i hramadskim transparcie budzie ŭviedziena z 8 sakavika, a z 15 sakavika ich budzie nieabchodna nasić va ŭsich hramadskich miescach. Vyklučeńnie zroblena dla dziaciej, jakija zmohuć i dalej karystacca miedycynskimi maskami.
Hetyja abmiežavańni buduć dziejničać da 21 sakavika. Kali da hetaha času nie budzie dasiahnuty stanoŭčy efiekt, to ŭ krainie ŭviaduć łakdaŭn, jaki praduhledžvaje zakryćcio pradpryjemstvaŭ i žorstkija abmiežavańni na pieramiaščeńnie.
Kamiendanckaja hadzina ŭžo ŭvodziłasia ŭ Słavakii z 24 kastryčnika pa 1 listapada minułaha hoda. Tady hramadzianam zabaranili pakidać damy z 01:00 da 05: 00. U astatni čas vyjści možna było dla pajezdak na pracu, naviedvańnia charčovych mahazinaŭ, paliklinik, aptek, a taksama dla pajezdak da svajakoŭ i vyhułu chatnich žyvioł.
Pavodle źviestak Ministerstva achovy zdaroŭja Słavakii, za čas pandemii ŭ krainie karanavirusam zarazilisia bolš za 308 tysiač čałaviek, ź jakich pamierli 7189 pacyjentaŭ.
Hałoŭnym śpikieram Žanočaha forumu ŭ Minsku stanie rasijski kryndžovy psichołah, jaki raskazvaŭ pra «pamiać žanočych pałavych hub»12
Kamientary