Eks-kiraŭnika rehijanalnaha adździaleńnia Biełhazprambanka z kamandy Babaryki prysudzili da 3 hadoŭ kałonii
Siońnia ŭ sudzie Kastryčnickaha rajona Mahilova vynieśli prysud pa spravie byłoha dyrektara Mahiloŭskaj abłasnoj Dyrekcyi AAT «Biełhazprambank» Siarhieja Karmyzava, pieradaje BiełTA.
Sudździa ahučyła prysud — 3 hady pazbaŭleńnia voli z adbyvańniem pakarańnia ŭ papraŭčaj kałonii ahulnaha režymu, štraf u pamiery 300 bazavych vieličyń, pazbaŭleńnie prava zajmać pasady, źviazanyja z vykanańniem arhanizacyjna-rasparadčych i administracyjna-haspadarčych rabot, terminam na 5 hadoŭ.
Nahadajem, u dačynieńni da kiraŭnika Mahiloŭskaj abłasnoj dyrekcyi Biełhazprambanka Siarhieja Karmyzava była zaviedzienaja kryminalnaja sprava. Jaho abvinavačvali ŭ kradziažy ŭ asabliva bujnym pamiery.
Havorka idzie ab manipulacyjach z vydačaj bankaŭskich kredytaŭ, heta značyć, faktyčna, ab ich prodažy. Adznačajecca, što paciarpiełyja acanili škodu «ŭ dziasiatki tysiač dalaraŭ».
Karmyzaŭ byŭ siabram inicyjatyŭnaj hrupy Viktara Babaryki.
Karmyzava zatrymali 12 červienia razam z kaardynataram inicyjatyŭnaj hrupy Viktara Babaryki pa Mahiloŭskaj vobłaści Uładzimiram Dudaravym.
Ciapier čytajuć
«Fieminizm u maim vypadku pieramoh». Vieranika Stankievič — pra dapamohu palitviaźniam u «Volnych» i płany na viasielle ź Ivulinym1
«Fieminizm u maim vypadku pieramoh». Vieranika Stankievič — pra dapamohu palitviaźniam u «Volnych» i płany na viasielle ź Ivulinym
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»2222
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»22
«Pra ciažarnaść viedali tolki jana i jaje chłopiec». Stali viadomyja padrabiaznaści historyi ź miortvym niemaŭlom, znojdzienym u Baranavičach u pakiecie
Kamientary