Ci varta adsočvać svoj vuhlarodny śled? Usio bolš ludziej ličać, što tak
Klimatyčnyja źmieny ŭpłyvajuć na samyja roznyja častki śvietu, što pryvodzić da pavieličeńnia kolkaści ekstremalnych źjaŭ nadvorja. Tamu ŭsio bolš ludziej šukajuć varyjanty, jak možna pierajści da ekałahičnaha ładu žyćcia. Zhodna z apytańniami, amal dźvie treci ludziej va ŭsim śviecie razhladajuć klimatyčny kryzis jak pilnuju prablemu.
U centry klimatyčnaha kryzisu znachodzicca prablema vykidaŭ vuhlarodu ŭ atmaśfieru, vyrašeńnie jakoj šmat u čym zaležyć ad čynoŭnikaŭ i ŭładalnikaŭ pradpryjemstvaŭ. Adnak zvyčajnyja ludzi taksama sprabujuć vymiarać svoj vuhlarodny śled, to-bok toje, kolki vuhlarodu traplaje ŭ atmaśfieru praź ich žyćciadziejnaść. Heta mahčyma rabić praz mabilnyja dadatki Capture i Almond, jakija jašče i sami prapanoŭvajuć sposaby pamienšyć svoj vuhlarodny śled, paviedamlaje VVS.
Takija prahramy prapanujuć karystalniku adkazać na pytańni pra svoj ład žyćcia: miesca žycharstva, charčavańnie, padarožžy i ŭlubionyja spažyvieckija tavary. Ale nakolki dakładnyja hetyja dadatki?
Prafiesar Tachsin Džefry z Kaledonskaha ŭniviersiteta Hłazha sumniavajecca, što prahramy takoha kštałtu zdolnyja padličyć pamier vuhlarodnaha śledu ad našych dziejańniaŭ. Pa jaje słovach, my spažyvajem pradukty, vyrablenyja ŭ roznych častkach śvietu, to-bok padobnyja dadatki pavinny pracavać z nadta vialikim pamieram źviestak. Ci zdolnyja jany atrymać dastatkovuju kolkaść patrebnaj infarmacyi pra toje, jak vyrableny toj ci inšy pradukt, kab rabić vysnovy? Da taho ž, nieviadoma, jak damahčysia, kab ludzi, jakija nie cikaviacca prablemami ekałohii, pačali vykarystoŭvać hetyja dadatki.
Tym nie mienš, prahramy adsočvańnia vuhlarodnaha śledu ŭžo intehrujucca i ŭ inšyja servisy, u tym liku ŭ bankaŭskija. Ich karystalniki majuć mahčymaść razam ź finansavymi źviestkami atrymlivać infarmacyju pra svoj uzrovień vykidaŭ vuhlarodu. Naprykład, ź sistemaj CoGo, adnoj z tych, što prapanuje taki servis, užo supracoŭničajuć kala 35 brytanskich bankaŭ.
18‑hadovy kursant Vajskovaj akademii ź Lachavič nikomu ničoha nie skazaŭ, zabraŭ dakumienty i pajechaŭ vajavać za Rasiju. Ciapier pa im płačuć49
Kamientary