Pravaabaroncu aryštavali na 12 sutak. Bareljef z «Pahoniaj» na jaho domie, jaki visieŭ tam 8 hod, siońnia paličyli pikietam
Pravaabaroncu «Viasny» Źmitra Sałaŭjova aryštavali na 12 sutak. Bareljef z Pahoniaj na jaho domie, jaki visieŭ tam 8 hod, siońnia paličyli pikietam.
Padčas masavaha napadu na pravaabaroncaŭ i žurnalistaŭ 16 lutaha byŭ zatrymany siabra Rady «Viasny» Źmicier Sałaŭjoŭ. Tady ŭ jahonuju kvateru ranicaj ŭvarvalisia supracoŭniki AMAPa i HUBAZiKa. Jany biez papiaredžańnia vyłamali jamu dźviery. U kvatery pravaabaroncy praviali pieratrus i kanfiskavali techniku. Taksama na Źmitra skłali pratakoł pa art. 23.34 KaAP za pikietavańnie: na jaho domie ŭbudavany bietonny bareljef z Pahoniaj.
Vosiem hadoŭ tamu dom byŭ pabudavany adrazu z hetym bareljefam, jaki navat nie pafarbavany.
Sudździa Minskaha rajona Anžalika Kazłova zapytvała ŭ pravaabaroncy, ci cikavicca jon palityčnaj situacyjaj u krainie, ci viedaje jon, što pratesty prachodziać pad hierbam «Pahonia».
Dla vyniasieńnia rašeńnia sudździ Minskaha rajona Anžalikie Kazłovaj navat nie spatrebiŭsia pierapynak. Rašeńnie — 12 sutak aryštu.
Kamientary