Što za zahadkavaja błandzinka siadzieła ŭ prezidyumie pobač ź Miaśnikovičam?
Heta 21-hadovaja Bažena Jaremič z Hrodna.
Mnohija zaŭvažyli, što ŭ prezidyumie «Usiebiełaruskaha narodnaha schodu» znachodzicca tajamničaja maładaja dziaŭčyna, jana siadzić pobač sa staršynioj Jeŭrazijskaj ekanamičnaj kamisii Michaiłam Miaśnikovičam.
Heta 21-hadovaja mahistrantka jurydyčnaha fakulteta Hrodzienskaha dziaržaŭnaha ŭniviersiteta Bažena Jaremič. Adnačasova jana źjaŭlajecca vykładčycaj-stažoram kafiedry teoryi i historyi dziaržavy i prava.
«Śfiera navukovych intaresaŭ — historyja dziaržavy i prava zamiežnych krain, historyja palityčnych i pravavych vučeńniaŭ, mižnarodnaje pryvatnaje prava, mižnarodnaje humanitarnaje prava», — napisana na sajcie HrDU.
Tema dypłomnaj pracy ŭ Jaremič nastupnaja: «Zabieśpiačeńnie pravoŭ čałavieka ŭ pieryjad mižnarodnych uzbrojenych kanfliktaŭ».
«Udzielniki Usiebiełaruskaha narodnaha schodu — najlepšyja ludzi krainy. Znajomstva ź imi, sumiesnaja praca daduć nieacenny vopyt, viedy i navyki», — kazała Bažena napiaredadni UNS. Akramia taho, Bažena — udzielnica navahodnich bałaŭ, jakija ładzilisia ŭ Alaksandra Łukašenki.
Ciapier čytajuć
Illu Dubskaha ŭ kałonii prymusili samomu sabie lazom zrezać tatuiroŭku z Pahoniaj16
Kamientary