Viktar Babaryka aznajomiŭsia sa svajoj kryminalnaj spravaj. Advakat kaža, što abvinavačańnie nie dakazana
Viktar Babaryka i jaho advakaty aznajomilisia z materyjałami kryminalnaj spravy. Pa słovach advakata Dźmitryja Łajeŭskaha, u spravie jość šerah abjektyŭnych faktaŭ, jakija śviedčać ab tym, što Viktar Babaryka nie ździajśniaŭ taho, što jamu vyłučana ŭ abvinavačvańni.
Termin, adviedzieny abaronie Viktara Babaryki na aznajamleńnie z kryminalnaj spravaj, skončyŭsia 16 studzienia.
— My z kaleham Natallaj Mackievič pračytali materyjały i, abapirajučysia ŭžo na ŭvieś hety masiŭ infarmacyi, pryjšli da vysnovy, što ŭ dačynieńni da našaha padabaronnaha abvinavačvańnie nie dakazana. Naadvarot, jość šerah abjektyŭnych faktaŭ, jakija śviedčać ab tym, što Viktar Babaryka nie ździajśniaŭ taho, što jamu vystaŭlena ŭ abvinavačvańni. Tamu my znoŭ zajavili ab nieabchodnaści spynieńnia kryminalnaha pieraśledu, — raspavioŭ Łajeŭski Tut.by.
Ab nakiravańni spravy prakuroru advakaty daviedalisia sa ŚMI, aficyjna orhan śledstva — KDB — im pra heta nie paviedamlaŭ.
Akramia taho, advakat adznačaje, što prykładna ź siaredziny śniežnia pa ŭčorašni dzień, heta značyć bolš za miesiac, abaroncy nie dapuskalisia dla naviedvańnia ŭ śledčy izalatar, tamu Viktar Dźmitryjevič byŭ pazbaŭleny mahčymaści atrymlivać kansultacyi sam-nasam i kanfidencyjna.
— Nam nie dazvolena kapijavać materyjały spravy, naš kaleha pa abaronie Viktara Babaryki, advakat Alaksandr Pylčanka pazbaviŭsia prava ažyćciaŭlać advakackuju dziejnaść, padstavaj dla hetaha staŭ pravavy kamientar u ŚMI, advakat Viktara Babaryka pa pytańniach vybarčaha prava Maksim Znak zaklučany pad vartu ŭ SIZA — u takoj abstanoŭcy ažyćciaŭlajecca abarona na siońniašni dzień — padsumavaŭ Dźmitryj Łajeŭski.
Ciapier čytajuć
Viaskoviec z-pad Babrujska imitavaŭ svaju śmierć, kab nie płacić pazyki, a paśla zahinuŭ na vajnie za Rasiju2
Viaskoviec z-pad Babrujska imitavaŭ svaju śmierć, kab nie płacić pazyki, a paśla zahinuŭ na vajnie za Rasiju
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1616
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru16
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary