Zvalniajecca dyrektar muzieja-siadziby «Pružanski pałacyk» Juryj Zialevič. Jon kiravaŭ ustanovaj 20 hod. Za hety čas muziej staŭ kulturnym brendam rajcentra. Heta adzinaja adnoŭlenaja siadziba stylu madern u Biełarusi.
«Sapraŭdy, z 1 studzienia ja ŭžo nie budu pracavać u muziei naohuł. Ja zvolniŭsia pa damovie bakoŭ, sam napisaŭ zajavu. My damovilisia z kiraŭnictvam, što nie budziem kamientavać hetaje rašeńnie. Skažu tolki, što ja płanavaŭ jašče papracavać. Tym bolš i ramont idzie zaraz, kidać usio nie chaciełasia», — koratka patłumačyŭ «Našaj Nivie» Juryj Zialevič pryčyny.
Pa adukacyi Juryj nastaŭnik hieahrafii, ale ŭsio žyćcio zajmaŭsia krajaznaŭstvam. Siabra tavarystva biełaruskaj movy.
«Ja zaŭsiody vytrymlivaŭ liniju biełaruskaha adradžeńnia. U nas Vajciuškievič try ci čatyry razy vystupaŭ, byŭ, navat kali heta było zabaroniena», — padzialiŭsia dyrektar.
U Juryja troje dziaciej. Novaha miesca pracy jon pakul nie znajšoŭ — uziaŭ paŭzu pieradychnuć.
Ciapier čytajuć
Jaŭhien Afnahiel raskazaŭ, što było paśla suda, dzie skandavali «Vierym, možam, pieramožam!» I nazvaŭ, chto dla jaho sapraŭdny lidar Biełarusi10
Kamientary