20 cyharet — na šeść hadoŭ, zaznačajuć śpiecyjalisty.
Daśledavańni pakazvajuć, što kureńnie ad adnoj da dzieviaci cyharet u dzień pamianšaje «čakanuju praciahłaść žyćcia» bolš čym na čatyry hady.
Ab hetym zajaviŭ zahadčyk siektara narkałohii Respublikanskaha navukova‑praktyčnaha centra psichičnaha zdaroŭja Uładzimir Maksimčuk na pres‑kanfierencyi ŭ Minsku 26 maja.
Kali čałaviek vykurvaje ŭ dzień ad 10 da 20 cyharet, jaho žyćcio skaračajecca na 5,5 hoda, bolš za 20 cyharet — na 6,2 hoda.
U.Maksimčuk zaznačyŭ, što kureńnie, pa sutnaści, źjaŭlajecca nie škodnaj pryvyčkaj, a zaležnaściu padobna narkatyčnaj, heta značyć zachvorvańniem. Jon paviedamiŭ, što dla čałavieka śmiarotnaj dozaj nikacinu źjaŭlajecca 50—100 milihramaŭ, što adpaviadaje 25 vykuranym cyharetam. Kurcy nie hinuć tolki tamu, što atrutnaja doza ŭvodzicca ŭ arhanizm pastupova.
Śpiecyjalist padkreśliŭ taksama, što nie isnuje biaśpiečnych cyharet. Havoračy ab cyharetach, jakija nazyvajucca vytvorcami «lohkimi», jon zaŭvažyŭ, što ŭjaŭleńnie ab ich mienšaj škodzie dla arhanizma źjaŭlajecca iluzijaj. Čałaviek, jaki kuryć «lohkija» cyharety, robić bolš hłybokija ŭdychi, čaściej adčuvaje patrebu pakuryć. U vyniku jon spažyvaje amal takuju ž kolkaść nikacinu i inšych škodnych rečyvaŭ, jak i pry kureńni bolš mocnych cyharet.
Najbolš škodnaje kureńnie dla dziaciej, zajaviŭ U.Maksimčuk. Tak, kali dzicia pačynaje kuryć da 15 hadoŭ, ryzyka pamierci ad złajakasnaj puchliny pavialičvajecca ŭ jaho ŭ šeść razoŭ u paraŭnańni z čałaviekam, jaki zaachvociŭsia da tytuniu paśla 25 hadoŭ, padkreśliŭ narkołah.
Akramia taho, na zdaroŭje dziaciej i darosłych zhubny ŭpłyŭ akazvaje pasiŭnaje kureńnie. Miedyki padkreślivajuć, što škodna nie tolki znachodzicca ŭ adnym pakoi z čałaviekam, jaki ŭ hety momant kuryć. Dla dziaciej luboha ŭzrostu źjaŭlajecca niepažadanym prysutnaść ź imi ŭ adnym pakoi čałavieka, jaki tolki što vykuryŭ cyharetu.
Ciapier isnujuć nieabvieržnyja dokazy suviazi tytuniekureńnia z raźvićciom 18 form złajakasnych utvareńniaŭ. Havorka idzie pra rak lohkaha, stravavoda, hartani i straŭnika. Jak padkreśliŭ viadučy navukovy supracoŭnik RNPC ankałohii i miedycynskaj radyjałohii imia Alaksandrava Alaksandr Skałyženka, pieršapryčynaj 98% usich vypadkaŭ raku lohkaha źjaŭlajecca kureńnie tytuniu.
Jon taksama dadaŭ, što kurcy z zapavolenym mietabalizmam majuć bolšuju ryzyku zachvareć na rak.
Kamientary