U Viciebskim abłasnym sudzie razhledzieli spravu ab žorstkim zabojstvie traich čałaviek, jakoje adbyłosia 19 hadoŭ tamu, piša BiełTA.
Zabityja — muž, žonka i susied. Ich cieły znajšli ŭ cokalnym paviersie doma, dzie jany žyli. Złačyniec zabraŭ majomaść achviar. adrazu jaho nie ŭdałosia znajści.
— Z časam, dziakujučy alfaktarnaj ekśpiertyzie, byli vyjaŭlenyja ślady na pryładach złačynstva. Daśledavańni ekśpiertaŭ dapamahli vyjści na padazravanaha. Jon u hety momant užo adbyvaŭ pakarańnie za inšyja złačynstvy, — raspaviała staršy prakuror Volha Vieržbovič.
Mužčynu prysudzili da 17 hadoŭ pazbaŭleńnia voli. Taksama jon asudžany za kradziež i niezakonnyja dziejańni ŭ dačynieńni da ahniastrelnaj zbroi. Z ulikam terminu, jaki jon užo adbyŭ u miescach pazbaŭleńnia voli pavodle papiaredniaha prysudu, mužčyna praviadzie ŭ kałonii 11 hadoŭ. Jon maje mahčymaść abskardzić prysud.
Ciapier čytajuć
«Ja bolš nie anarchist». Mikoła Dziadok — pra turmu, Boha i rasčaravańnie ŭ ideałohijach19
Kamientary