Zorny šlach (Star Trek)
ZŠA, 2009, kalarovy, 126 chv.
Režysior: Dž.Dž.Abrams
Roli vykonvajuć: Krys Pajn, Zachary Kŭinta, Leanard Nimoj, Eryk Bana, Brun Hrynŭud, Sajman Peh, Ŭinona Rajder, Anton Jelčyn
Žanr: Fantastyka, pryhody
Adznaka: 6 (z 10)
«Adnojčy ŭ dalokaj‑dalokaj Hałaktycy viravali…» ćchu ty!
«U toj čas, jak kaśmičnyja karabli raśsiakajuć prastory kosmasu…» — iznoŭ nie toje, ale ŭžo lepiej.
Ale chutčej, voś hetaje: «Kapitan, nas atakujuć! — Uklučyć abarončy ščyt!»
Karcina «Zorny šlach» — pra pryhody kaśmičnaha karabla «Enterprajz» u roznych častkach Suśvietu, pra zuchavataha kamandzira Džejmsa Kirka, jahonaha siabra Spoka z płaniety Vułkan — heta nie film. I navat nie telesieryjał, jaki źjaviŭsia ŭ 1966 hodzie ŭ Złučanych Štatach, byŭ, pieraźniaty, padoŭžany i papaŭtorany. Heta kaśmičnaja mylnaja opiera, dzie zamiest rabyń Izaŭraŭ — zaciahnutyja ŭ čyrvonaje ściuardesy i zialonaskuryja spakušalnicy, zamiest niahodnikaŭ — bandyty z uskrain Hałaktyki, zamiest luboŭnych pieraškodaŭ — jazykastyja pačvary ledzianoje płaniety, vandroŭki ŭ časie i rukatvornyja čornyja dzirki.
Heta ščaślivy aptymistyčny kosmas, jaki nie viedaje pra luty choład Adysiei, nie sutykaŭsia z pakutami na Salarysie — i nie prymušaŭ čałavieka kałacicca ŭ samocie. Heta kosmas abžyty — jak susiedskaja dziciačaja placoŭka; jak fantazija sučasnaj kazki, jakuju paŭtarajuć šmatkroć. Mienavita tamu kazka padasca znajomaj nat čałavieku, jaki pra jaje ničoha nie čuŭ. Na kazačny paŭtor pracujuć dekaracyi, farby, pazyčany z samaha pieršaha Šlachu aktor Leanard Nimoj.
Hierojaŭ kazki addaju fanam. Zrešty režysior Abrams uvioŭ i novych piersanažaŭ — sama kałarytny cudoŭny komik Sajman Pieh u roli navukoŭca‑raściapy.
Na mižnarodnym kinasajcie “Zorny šlach” – u liderach.
Ale prajšoŭ jon – nie praz našu Hałaktyku.
Ciapier čytajuć
Biełarusu na 100 hadoŭ zabaranili ŭjezd u Rasiju — za ŭdzieł u minskich maršach 2020 hoda6
Kamientary