Palitviaźniaŭ sudziać za «cyničny nadpis» kala miemaryjała Tarajkoŭskamu. Harramaaŭtadar u 35 razoŭ źmienšyŭ škodu

U sudzie Frunzienskaha rajona sudziać minčukoŭ za «cyničny nadpis» na miescy miemaryjała Alaksandru Tarajkoŭskamu, jaki zahinuŭ 10 žniŭnia, piša Tut.by.

9 vieraśnia niekalkich minčukoŭ zatrymali paśla taho, jak jany sprabavali adnavić miemaryjał Alaksandru Tarajkoŭskamu — nadpis na asfalcie «Nie zabudziem».

Pa kryminalnaj spravie ab naŭmysnym paškodžańni majomaści, jakija paciahnuli pryčynieńnie škody ŭ bujnym pamiery,i ab chulihanstvie prachodzić niekalki čałaviek ich abvinavačvajuć pa dvuch artykułach KK RB — pa č. 2 art. 339 i č. 2 art. 218. Pa pieršym artykule da šaści hadoŭ pazbaŭleńnia voli, pa druhim — da 10 hadoŭ.

Siońnia ŭ sudzie Frunzienskaha rajona razhladajuć kryminalnuju spravu ŭ dačynieńni da dvaich: 25-hadovaj Maryi Babovič i 26-hadovaha Maksima Paŭluščyka.

Spravu razhladaje sudździa Julija Bliźniuk, dziaržabvinavaŭca — Alina Kaśjančyk (jana ž učora vystupała bokam abvinavačvańnia ŭ dačynieńni da chłopca, jaki abraziŭ Dźmitryja Bałabu). U sudzie sabrałasia bolš za 20 čałaviek, abvinavačanyja znachodziacca ŭ kletcy pad vartaj.

Paŭluščyk i Babovič abvinavačvajuć u tym, što jany, dziejničajučy hrupaj asob, znachodziačysia pablizu budynka № 21A pa vuł.Prytyckaha ŭ Minsku (paviljon la vychada mietro kala miemaryjała Tarajkoŭskamu), biespadstaŭna, naŭmysna ździejśnili apahańvańnie zbudavańnia cyničnymi nadpisami i psavańnie majomaści, čym pryčynili majomasnuju škodu DVA «Harramaŭtadar Minharvykankama» na ahulnuju sumu 7516 rubloŭ 31 kapiejku, u bujnym pamiery.

Pavialičyć

Pavialičyć

Pavialičyć

Na sudzie z hramadzianskim pazovam vystupiła pradstaŭnica DVA «Harramaŭtadar», jana zajaviła ab udakładnieńni sumy škody i skazała, što faktyčnaja suma škody skłała 211 rubloŭ 20 kapiejek, raniej ahučanaja suma ŭ vyhladzie 7,5 tysiač rubloŭ była papiaredniaj.

Advakaty chadajničali ab źmienie miery strymańnia ŭ suviazi z novymi abstavinami spravy.

Składu kryminalnaha złačynstva pa 218-m artykule nie było — bo zajaŭlenaja suma škody pradpryjemstva da 40 bazavych vieličyń, a heta, na dumku advakataŭ, administracyjnaja adkaznaść, jakaja praduhledžvaje štraf, a nie zaklučeńnie pad vartaj. Pa 218-m artykule abvinavačanym pahražała da 10 hadoŭ.

U suviazi z hetym u sudzie abjaŭleny pierapynak.

Maryja Babovič raniej nie sudzimaja, pryznanaja palitviaźniem. Maksim Paŭluščyk raniej byŭ sudzimy pa artykule 339, pakarańnie adbyŭ.

• 0
• 0
• 0
• 0
• 0
• 0
• 0
• 0