Pra heta jon zajaviŭ u Homieli, paviedamlaje pres-słužba.
«Samaja vialikaja prablema dla nas siońnia — heta nie «Homsielmaš» i navat nie kavid-pandemija. My heta projdziem, nie chvalujciesia, usich vylečym, — skazaŭ Łukašenka.
— Samaja vialikaja prablema — heta nasielnictva. Kali kožnaja žančyna nie narodzić dvaich-traich, budzie jak u Jeŭropie, Rasii, Ukrainie, jakaja za hod amal 200 tys. straciła, dzie idzie padzieńnie nasielnictva. Žyć niama kamu budzie praz paŭstahodździa».
Łukašenka padkreśliŭ, što prahrama «Siamiejny kapitał» dobra siabie zarekamiendavała, tamu paśla pieršych čatyroch hadoŭ jaje dziejańnie ŭžo padaŭžali, a ciapier płanujecca zrabić jaje pastajannaj. «Ja dumaju, heta zastaniecca nazaŭsiody. Naradžajcie, radzi boha. My budziem znachodzić hetyja hrošy — pa $10 tys. na kožnaje dziciatka paśla naradžeńnia dvaich dziaciej. Bo heta hałoŭnaje. Nie budzie dziaciej — nie budzie rabočych, nijakaja adukacyja tady nie treba, nijakija kampietencyi», — zaŭvažyŭ Łukašenka.
Razam z tym jon paličyŭ važnym abmierkavać taksama mahčymaść skaračeńnia adpačynku pa dohladzie dziciaci, jaki ŭ Biełarusi zaraz doŭžycca da dasiahnieńnia dziećmi troch hadoŭ i źjaŭlajecca adnym z samych praciahłych u śviecie.
«Hetyja pytańni sabrali, i va ŭrad ja niadaŭna nakiravaŭ, i deputatam — abmiarkoŭvajcie, rajciesia sa svaimi vybarščykami i potym pryjdziecie, zaniesiacie prezidentu, budziem prymać rašeńni. Heta značyć, my nie pryniali ni pa adnym pytańni rašeńni, ale hetyja pytańni — u paradku dnia. Zrobim tak, jak lepš dla ludziej i dla dziaržavy», — padkreśliŭ Łukašenka.
U Minsku pamior adzin z samych viadomych zabojcaŭ Rasii. Jon žyŭ pad čužym imieniem i staŭ piśmieńnikam-fantastam4
Kamientary