Na naradzie pa zamiežnaj palitycy Ejsmant siadzieła da Łukašenki bližej za Cierciela
Z savieckich časoŭ viadoma, što rassadka na naradach z udziełam kiraŭnika krainy vypadkovaj nie byvaje. 17 listapada Alaksandr Łukašenka pravioŭ naradu pa zamiežnaj palitycy, na jakoj prysutničała vosiem top-čynoŭnikaŭ. Jakim ža čynam jany raźmiaścilisia za stałom?
Bližej za ŭsio da Łukašenki siadzieli premjer-ministr Raman Hałoŭčanka i śpikier Savieta respubliki Natalla Kačanava. Tut usio zvyčajna — heta druhaja i treciaja asoby ŭ krainie.
U druhim šerahu raźmiaścilisia śpikiery Pałaty pradstaŭnikoŭ Uładzimir Andrejčanka i kiraŭnik Administracyi prezidenta Ihar Siarhiejenka (darečy, niejki čas adsutničaŭ na radarach, mo byŭ na samaizalacyi).
A voś užo treci šerah vyhladaje niečakana. Na im raźmiaścilisia pres-sakratar Łukašenki Natalla Ejsmant. Čaściej za ŭsio jana na padobnych naradach znachodzicca padalej. Taksama tut ža čałaviek, padobny da namieśnika dziaržsakratara Rady biaśpieki Uładzimir Arčakaŭ. Pasada dziaržsakratara Rady biaśpieki volnaja paśla zvalnieńnia Valeryja Vakulčyka, ale Arčakava navat nie pryznačali vykonvajučym abaviazki.
I, što dziŭna, za Ejsmant i Arčakavym na čaćviortym šerahu raźmiaścilisia ministr zamiežnych spraŭ Uładzimir Makiej (cikava, narada prachodzić pa jahonaj temie, a tut apošni šerah), a taksama kiraŭnik KDB Ivan Cierciel.
Vital z-pad Vilejki, jaki padpaliŭ chatu z ułasnymi dziećmi, zavierbavaŭsia ŭ rasijskaje vojska. I prapaŭ na pieršym ža bajavym zadańni5
Kamientary