U MUS prakamientavali vystaŭlenyja ŭ ARIP sumy za «ŭtrymańnie ŭ izalatary»
Napiaredadni mnohija biełarusy vyjavili, što ŭ ARIP pry apłacie pasłuh MUS u ich sistema ŭžo vydaje peŭnuju sumu. Adkul jana źjaviłasia i ci treba za niešta płacić, raspaviali ŭ MUS.
U viedamstvie raspaviali, što apłačvać peŭnyja pasłuhi MUS, u tym liku ŭtrymańnie i charčavańnie ŭ śpiecyjalizavanych izalatarach i centrach izalacyi pravaparušalnikaŭ terytaryjalnych AUS, možna praz ARIP.
Pry vybary hetych pasłuh sapraŭdy moža źjavicca suma da apłaty, adnak heta tolki ŭstanoŭlenaja minimalnaja suma ŭ pamiery 0,5 bazavaj vieličyni za sutki ŭtrymańnia ŭ IČU (CIP) i 2,5 bazavaj vieličyni za ŭtrymańnie ŭ śpiecyjalizavanym izalatary, heta značyć, apłačvać ničoha nie treba, kali ŭ vas pieršapačatkova nie było takoj zadačy.
Było pryniata rašeńnie ab samastojnym uvodzie karystalnikam sumy płaciažu ŭ sistemie ARIP. Heta značyć karystalnik sam budzie ŭvodzić patrebnuju sumu pry ŭniasieńni apłaty za pasłuhu «ŭtrymańnie ŭ śpiecyjalizavanym izalatary». Paradak apłaty pasłuhi «charčavańnie ŭ IČU (CIP)» zastaŭsia raniejšym.
-
Ź Biełarusi ŭ Rasiju sprabavali niezakonna vyvieźci pad tonu rahoŭ
-
Na zapraŭcy pad Minskam kavu nalivaje robat-barysta. Nakolki heta zručna?
-
«Nie zabirajcie ŭ dziaciej sa śmiarotnym dyjahnazam apošniaje!» Blizkija chvorych na rak dziaciej źviarnulisia da Łukašenki z prośbaj nie źniščać fond «KinderVita»
Aryštavany 75‑hadovy Źmicier Sańko — vieteran-vydaviec3
Kamientary