Mininfarmacyi nazvała šeść novych pryčyn, čamu nie razbłakuje NN.by
Dostup da sajta NN.by nie budzie adnoŭleny. Ministr infarmacyi Ihar Łucki nazvaŭ šeść novych pryčyn dla błakiroŭki. Jany pieraličvajucca ŭ liście, jaki atrymała Redakcyja «Našaj Nivy» ŭ adkaz na prośbu ab razbłakiroŭcy.
Ihar Łucki tłumačyć, što pad artykułami na sajcie NN.by na praciahu 29 vieraśnia — 2 kastryčnika było apublikavana šeść kamientaroŭ, jakija «mohuć nanieści škodu nacyjanalnym intaresam Respubliki Biełaruś». Ukazvajecca nik aŭtara, a taksama čas publikacyi.
Admietna, što Ihar Łucki pieraličvaje zabaronienyja kamientary ŭ svaim zahadzie №300 ad 1 kastryčnika, tady jak adzin z hetych kamientaroŭ datavany nastupnym dniom, 2 kastryčnika.
Aproč taho, ministr śćviardžaje, što hetyja kamientary byli niejkim čynam apublikavanyja na resursie NN.by — ale ž hety sajt byŭ zabłakavany jašče 28 žniŭnia 2020 pavodle jaho ž rašeńnia i niedastupny jak dla čytačoŭ ź Biełarusi, tak i dla zamiežnych karystalnikaŭ.
U papiarednim rašeńni Ministerstva infarmacyi ab błakiroŭcy NN.by pieraličvalisia vosiem artykułaŭ, «zdolnych nanieści straty nacyjanalnym intaresam», a taksama «sasłabić pačućci patryjatyzmu». Usie jany byli vydalenyja.
Kamientaroŭ, pieraličanych Iharam Łuckim, taksama bolš niama, tamu Redakcyja źvierniecca ŭ Ministerstva infarmacyi z paŭtornaj prośbaj ab razbłakiroŭcy.
-
Biełaruski muziej imia Ivana Łuckieviča rychtuje vystavu da 120‑hodździa «Našaj Nivy» i prosić dapamahčy z ekspanatami
-
«Naša Niva» atrymała try žurnalisckija premii. Siarod pieramožcaŭ Buhaj i Roŭda
-
Cichanoŭski i Piatruchin raspaŭsiudzili novuju łabudu: što palitviazień Papoŭ atrymaŭ 16 hadoŭ turmy z-za publikacyi «NN»
Ciapier čytajuć
Redki vypadak: pamiłavany biełaruski palitviazień pajšoŭ na vajnu suprać Ukrainy16
Redki vypadak: pamiłavany biełaruski palitviazień pajšoŭ na vajnu suprać Ukrainy
«Strelba kali i strelić, to naŭrad ci kulamiotnaj čarhoj». Maksim Znak acaniŭ realnaść pahroz biełaruskaj prapahandy pazbavić hramadzianstva palitemihrantaŭ1212
Kamientary