Pamiatajecie našumiełaje fota kadetaŭ z «Pahoniaj»? Adzin z hierojaŭ praź piać hod raskazaŭ, jak skłaŭsia ich los
Na minułym tydni «Salidarnaść» nahadała pra historyju kadetaŭ Jastrambielskaj škoły-internata, našumiełaj piać hadoŭ tamu. Tady čaćviora treciakurśnikaŭ sfatahrafavalisia ŭ majkach z «Pahoniaj» i paśla publikacyi fota ŭ sacsietkach prasłavilisia na ŭsiu krainu.
Paśla publikacyi ŭ vydańnie źviarnuŭsia adzin z byłych kadetaŭ, jaki trapiŭ na fota. Mikita Hvoździeŭ raspavioŭ «Salidarnaści» pra padziei piacihadovaj daŭniny, a taksama pra toje, jak hetaja historyja paŭpłyvała na jaje hierojaŭ.
— Fatahrafiju vykłaŭ ja. My z chłopcami hety momant nie abmiarkoŭvali: stavić jaje kudyści ci nie, — kaža Mikita.
Pavodle jaho słoŭ, da toj historyi padobnyja fatahrafii ŭ vučyliščy nie byli redkaściu, tamu jon nie pieražyvaŭ za mahčymyja nastupstvy. Dy i nie pradbačyŭ ich. U inšych kadetaŭ byli majki i šapki ź simvolikaj, bieł-čyrvona-biełyja ściahi.
— Ja nie škaduju, što tak zrabiŭ. Chłopcy byccam by taksama da hetaha pastavilisia narmalna. Tady nam zdavałasia, što heta zvyčajnaja sprava, patryjatyzm. Dumali, što takim fota ŭžo nikoha nie ździviš, — uspaminaje Mikita padziei kastryčnika 2015-ha.
U vypusknym fotaalbomie vučylišča za 2017 hod Mikity niama. Jon raspavioŭ, što zabraŭ dakumienty praź niekalki miesiacaŭ paśla toj historyi:
— Treciuju čverć paśla Novaha hoda ja ŭžo vučyŭsia ŭ svajoj rodnaj škole.
Małady čałaviek kaža, što jaho rašeńnie pieravieścisia ŭ škołu nie było źviazana ź ciskam administracyi vučylišča:
— Vykładčyki da situacyi pastavilisia z razumieńniem. Zrazumieła, što dyrektaru dali pa šapcy. Z nami praviali vychavaŭčuju hutarku, pazbavili na tydzień zvalnieńniaŭ za parušeńnie formy adzieńnia.
Naš surazmoŭca kaža, što paśla toj historyi kadety pierastali publikavać padobnyja fota: «Idei ŭ hałavie zastalisia, ale zdymki bolš nikudy nie išli».
Zaraz Mikita zakančvaje ŭniviersitet. Adzin z udzielnikaŭ fota z «Pahoniaj» paśla zakančeńnia vučylišča źjechaŭ praciahvać vučobu za miažu. Dvoje inšych vučacca ŭ Biełarusi. Maładyja ludzi padtrymlivajuć kantakt.
— Ja zastaŭsia raniejšym, pry svaich idejach. Pra chłopcaŭ šmat čaho nie skažu, ale nie dumaju, što ich sustrenu na vulicy ŭ bałakłavach.
Hałoŭnym śpikieram Žanočaha forumu ŭ Minsku stanie rasijski kryndžovy psichołah, jaki raskazvaŭ pra «pamiać žanočych pałavych hub»12
Kamientary