Učora zatrymali viadomaha skivična-tvaravaha chirurha, jaki robić unikalnyja apieracyi. U jaho čaćviora dziaciej VIDEA
11 kastryčnika ŭ Minsku zatrymali viadomaha skivična-tvaravaha chirurha Andreja Lubieckaha — doktara, jaki robić unikalnyja apieracyi pa płastycy raskolin ćviordaha i miakkaha nieba, raskolin tvaru, jaki kala 19 hadoŭ prapracavaŭ u dziciačaj balnicy. Takich śpiecyjalistaŭ u Biełarusi adzinki. Doma jaho čakaje žonka i čaćviora małaletnich dziaciej, piša Tut.by.
Andrej Lubiecki amal 19 hadoŭ prapracavaŭ u adździaleńni skivična-tvaravaj chirurhii 4-j dziciačaj kliničnaj balnicy. Takich śpiecyjalistaŭ, jak jon, u našaj krainie adzinki. Jaho śpiecyjalizacyja — płastyka raskolin ćviordaha i miakkaha nieba, raskolin tvaru. Ciapier Andrej Lubiecki pracuje ŭ pryvatnaj stamatałahičnaj klinicy skivična-tvaravym chirurham i impłantołaham.
Žonka Andreja, Natalla Lubieckaja, raspaviadaje, što muža zatrymali 11 kastryčnika prykładna ŭ 16:20 u rajonie vulicy Zybickaj.
— Jon išoŭ niedaloka ad mosta, nie ŭciakaŭ, ja navat bačyła videa ź jaho zatrymańniem — jon u čyrvonaj kiepcy i ź biełym zaplečnikam. Na videa bačna, što jaho ŭdaryli ludzi ŭ zialonaj ekipiroŭcy, jon upaŭ i źnik z pola zroku. Potym u rajonie 18:30 jon mnie patelefanavaŭ z Partyzanskaha RUUS, skazaŭ, kab nie chvalavałasia, i paprasiŭ patelefanavać na pracu i papiaredzić, što jon zaŭtra nie vyjdzie. Ja pajechała pad Partyzanski RUUS, uziała ciopłyja rečy, maleńki ručnik, pajeści, leki doma zabyłasia, jon hipiertonik, ale ich padvioz Andrej Vituška, dziciačy reanimatołah. Ja niejak trymałasia da apošniaha, kali ščyra, ale raspłakałasia, kali z majho pakieta stali vykidvać rečy, ja paprasiła ŭziać choć što-niebudź. U vyniku jany ŭziali tolki ciopły švedar, tabletki nie ŭziali, skazali, što ŭsio roŭna ich paviazuć u aŭtazaku, i jany jeduć u tym, što na ich nadzieta. Praŭda, jašče ŭziali buterbrod. Ja hadzin šeść-siem prastajała pad RUUS, u rajonie hadziny nočy padjechali aŭtazaki i pavieźli častku ludziej u Žodzina, jašče adnu častku advieźli na Akreścina.
Pa słovach Natalli, ciapier muž u izalatary ŭ Žodzinie čakaje suda. Andrej i Natalla — šmatdzietnyja baćki. Jany vychoŭvajuć čaćviarych dziaciej: starejšaj dačce dziesiać hadoŭ, dvajniatkam pa šeść hadoŭ i małodšaj — čatyry hady.
-
Novaje tramvajnaje kalco ŭ Minsku. Voś jak jano vyhladaje
-
«Abo my ciabie zhvałcim, abo ty paholiš baradu razam z hałavoj». Łachvič raskazaŭ, što ź im adbyłosia
-
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski
Ciapier čytajuć
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski7
Kamientary